POP 5

Lajmet më të lexuara të 5 minutave të fundit

Sociale

Prindërit vendosin se si do të zhvillohet mësimi, 4 skenarë e ministrisë për vitin e ri shkollor

Do të jenë prindërit ata që do të vendosin se si do të duan që fëmijët e tyre ta zhvillojnë mësimin në vitin e ri shkollor, që as ashtu si prej marsit, e gjen vendin ende në kushtet e pandemisë COVID-19. Ministria e Arsimit e ka lënë në dorë të tyre të zgjedhin mes 4 skenarëve, mësim në bankat e shkollës, mësim me turne, apo pjesërisht ose plotësisht online.

Ministria e Arsimit ende nuk e ka vendosur se si do të nisë viti i ri shkollor 2020-2021, që sërish e gjen në mesin e pandemisë covid-19.

Ministria ka në plan 4 skenarë, por për të vendosur do të marrë mendimin e prindërve të nxënësve. Report Tv ka siguruar formularin me pyetjet që ministria u drejton prindërve, ku janë të zbardhura dhe 4 mënyrat që nxënësit mund të zhvillojnë mësim.

Prindërit pyeten të zgjedhin mes këtyre alternativave:

1. Shkollat të fillojnë procesin mësimor normalisht, me kapacitet dhe funksionim të plotë (nëse është mundësia), duke respektuar rregullat e higjienës dhe të distancimit fizik.

2. Shkollat të fillojnë procesin mësimor me grupe të vogla nxënësish, orë mësimore të reduktuara dhe me turne, duke respektuar rregullat e higjienës dhe të distancimit fizik.

3. Shkollat të fillojnë procesin mësimor me mësim të kombinuar në klasë dhe online duke respektuar rregullat e higjienës dhe të distancimit fizik.

4.Shkollat të fillojnë procesin mësimor vetëm online duke realizuar mësimin në distancë.

Viti shkollor që lamë u mbyll me shumë vështirësi, fillimisht prej tërmetit të 26 nëntorit, e më pas prej situatës që u shkaktua nga covid-19 duke e kthyer mësimdhënien online.

Problematikat e pakënaqësitë ishin të shumta për nxënësit dhe prindërit, kjo edhe për shkak të pamundësisë së aksesit në internet ku shumë fëmijë u përjashtuan nga ky proces.

Deri më tani data 14 shtator është vendosur për rifillimin e procesit mësimor dhe nëse nxënësit do të ulen në bankat e shkollës, do të jenë me turne, apo online e pjesërisht online, do të mbetet të mësohet nga rezultatet e sondazhit me prindërit.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Durrës/ Aksident në hyrje të autostradës, vetura ‘Seat’ del me shpejtësi nga rruga dhe bie në kanalin e ujërave të zeza! Shpëtojnë 3 të rinjtë

Durrës/ Aksident në hyrje të autostradës, vetura ‘Seat’ del me shpejtësi nga rruga dhe bie në kanalin e ujërave të zeza! Shpëtojnë 3 të rinjtë

24 Nëntor, 22:29