POP 5

Lajmet më të lexuara të 5 minutave të fundit

Politikë

Prishja e ekuilibrave në kupolën
e PD, shtyhet Këshilli Kombëta

Shtyhet mbledhja e Këshillit Kombëtar të PD që ishte parashikuar të mblidhej dy ditë më parë, ndërsa pritet të startojë më 21 ose 22 dhjetor. Shkak kanë qënë përplasjet në kupolën e partisë por dhe në bazë për zgjedhjet në disa degë.
TIRANE - Kreu i mazhorancës Berisha ka shtyrë mbledhjen e Këshillit Kombëtar të Partisë Demokratike, i parashikuar për t'u mbajtur më 23 nëntor, para dy ditësh. Mësohet se Këshilli Kombëtar pritet të mblidhet më 21 ose me 22 dhjetor të këtij viti, që korrespondon dhe me përvjetorin e themelimit të partisë së parë opozitare, PD. Shkak për këtë shtyrje të mbledhjes së foprumit më të lartë të PD për periudhën mes dy kongreseve ka qënë përplasjet që kanë dalë në sipërfaqe si rezultat i mosrënies dakord për disa kandidatura për krerët e degëve vendore të PD.

Por dhe për faktin se, përpos që mblidhet rrallë nga Berisha, Këshilli Kombëtar i PD nuk ka zgjedhur ende sekretariatin e PD dhe nënkryetarët e kësaj partie. Duke bërë që të vetmit të mandatuar në këtë parti të jenë vetë kryetari i partisë, Berisha që u zgjodh me maksimalen e votave në Kuvendin e PD e nënkryetari i PD, Patozi që e përfiton këtë post në mënyrë automatike vetëm si kryetar i grupit parlamentar të demokratëve. Burimet brenda selisë blu e kryeministrisë bëjnë me dije se listat e gjata të kandidaturave për kreun e PD në të gjitha degët që ende nuk i kanë zgjedhur drejtusit tregojnë në mënyrë të qartë se rivaliteti në bazë është shumë i madh dhe për më tepër dhe debatet e mospajtimet janë tepër të mëdha, që mund të përkthehen në kosto elektorale, teksa ekuilibrat janë shumë të brishta.

Mësohet se dega më problematike që ka prodhuar shumë debate ka qënë ajo e Sarandës, e cila mund të sjellë dhe shkëputjen e kontigjenteve të tëra që do të rrënonin mbështetjen për mazhorancën në këtë rreth dhe me ndikim në tërë qarkun e Vlorës. Ku sipas burimeve në PD dhe pa këto elementë është në pikiatë mbështetja elektorale në këtë qark. Ndërkaq mësohet se në mbledhjen e Këshillit Kombëtar s'do ketë sërish zgjedhje të reja në sekretariatin e PD, duke mos lejuar marrjen udhë të ambicies së Imamit për t'i marrë postin e sekretarit të Përgjithshëm, Bodes, ndërsa nuk do të vihet në "provën" e garës as kryetarja e kuvendit Topalli, që është njëherësh dhe nënkryetare e PD.

Moshyrja në zgjedhje në kupolën e PD bëhet për shkak të përplasjeve që mund të rezultojnë me kosto në zgjedhjet e verës së ardhshme. Mësohet se nga Këshilli Kombëtar do të bëhen vetëm disa lëvizje të të deleguarve të kryesisë dhe Këshillit Kombëtar në bazë, duke bërë qarkullimin e tyre.

Shkrimi u botua në numrin e sotëm të së përditshmes SHQIPTARJA.com

(Gre.M/Shqiptarja,com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55