Zëdhënësi i PK-së, Baki Kelani është shprehur për mediat kosovare se rreth orës 01:40 janë arrestuar personat e dyshuar të cilët po udhëtonin me dy automjete në aksin rrugor Prishtinë-Gjilan. Njëra veturë e tipit Golf 2 ngjyrë të kuqe si dhe tjetra Pasat po ashtu ngjyrë e kuqe.
“Ju njoftojmë se më datë 11.07.2015 rreth orës 01:40, në aksin rrugor Prishtinë-Gjilan konkretisht afër liqenit të Badovcit njësitet relevante policore kanë arrestuar tre persona të dyshuar me dyshimin e bazuar në përfshirjen e veprës penale. Personat e dyshuar kanë qenë në posedim të dy veturave, njëra Golf 2 ngjyrë të kuqe dhe tjetra Pasat po ashtu ngjyrë e kuqe”,-ka thënë Kelani për mediat kosovare.
Ai ka ka shtuar se në automjete janë konfiskuar edhe një sasi e madhe provash materiale.
“Personat e dyshuar, tanimë të arrestuar janë shoqëruar në stacionin policor për t'u marrë në pyetje, për procedura të mëtutjeshme policore”, ka thënë ai.
Redaksia Online
(a.h/shqiptarja.com)
![](https://www.shqiptarja.com/template/img/sh_logo1.png)