“Presidentët amerikanë dhe marrëdhëniet shqiptare”, është titulluar ekspozita e çelur në ambientet e Biblotekës Kombëtare të Kosovës.
Në hollin e biblotekës janë renditur fotografitë bardh e zi të dhjetë presidentëve amerikanë bashkë me shkrimet për mardhëniet Amerikano-Shqiptare.
Fotografitë janë shkrepur nga fotografi shqiptaro-amerikan George Times, i cili ka qënë një nga fotografët më të shquar të Shtëpisë së Bardhë.
“Kjo ekspozitë e fotografive që po hapet në Prishtinë dhe që pati një interesim të madh edhe në Tiranë, sjell pamjen e dhjetë presidentëve amerikanë, thjeshtësinë, zgjuarsinë dhe natyrshmërinë e tyre në rrethana të caktuara, momente nga aktivitete të tyre politike, takime publike e zyrtare, marrëdhëniet me të tjerët”, është shprehur në fjalimin e hapjes drejtori i Bibliotekës Kombëtare Fazli Gajraku.
Kjo ekspozitë është sjellë nga fondacion OTTOnomy dhe do të jetë e hapur për publikun deri më datë 8 prill.
Redaksia Online
Er.K/Shqiptarja.com