'Prisnin që të humbisnim 4-0', Sylvinho pas eliminimit: Dalim me kokën lart, duam emocionet e Botërorit

Trajneri i Kombëtares, Sylvinho foli pas humbjes 0-1 me Spanjën dhe eliminimit të Shqipërisë nga Euro 2024.

“Sigurisht që dalim me kokën lart. Ishim në grupin e vdekjes, në një grup me kampionë Europe dhe Bote. Jam i trishtuar për rezultatin, por kemi bërë mirë në të tri ndeshjet. Kemi luftuar gjithmonë deri në fund. Kemi arritur në një pikë të rëndësishme në këtë Europian.

Të gjithë 6-7 lojtarë të rinj në fushë. Por edhe lojtarët e tjerë me eksperiencë kanë bërë mjaft mirë. Të gjithë prisnin të humbnim nga 3-0 apo 4-0, por kemi qenë gjithmonë aty në të tri ndeshjet duke luftuar.

LEXO EDHE:
'Minuta Zero'/ Kampionia e kickbox: Tifozët shqiptar kudo janë të parët! Portieria e kombëtares: Në Dortmund policët bënin foto me ne

E ardhmja? Është Nations League dhe më pas eliminatoret e Kupës së Botës. Falënderoj Federatën, gjithë stafin dhe gjithë njerëzit me të cilët kemi punuar. Kemi bërë gjëra të mirë, kemi treguar rritje. Është e rëndësishme të vazhdojmë të luajmë dhe të provojmë sërish emocionet e Europianit dhe Botërorit”, u shpreh trajneri i Shqipërisë.

Lajmi kryesor:

SHQIPËRI 0-1 SPANJË/ Djema kokën lart, ishte vitrina e futbollit! Kombëtarja eliminohet nga Europiani 2024! Italia e mbyll e dyta dhe gjen Zvicrën në 1/8

S.DH/M.Q./Shqiptarja.com

TAG:
• euro 2024