Pritej të niste së shpejti, shtyhet rifillimi i Bundesligës

Klubet në Gjermani prej disa ditësh kanë njoftuar se kanë nisur stërvitjen dhe janë gati për rifillimin e kampionatit, por kjo duket se nuk do të ndodhë së shpejti. Asambleja e Përgjithshme e ligës gjermane të futbollit e programuar për këtë të premte është shtyrë me datë 23 prill.

Edhe pse pritej që kampionati të riniste së shpejti, si pasojë e ecurisë pozitive të Gjermanisë me koronavirusin, kjo nuk do të ndodhë. Vendimi në fuqi thotë se të paktën deri me 30 prill nuk do të luhet futboll, ndërsa me vendimin e fundit Bundesliga dhe Bundeslig 2 me siguri nuk fillon në dy javët e para të majit.

Gjithsesi gjithçka varet nga vendimet e qeverisë gjermane që do të dalin javën e ardhshme, por e sigurtë është që ndeshjet e këtij sezoni do të luhen pa tifozë. Ndërkohë parashikimi optimist është që në vjeshtë, kur të nis sezoni i ri, tifozët të jenë në shkallët e stadiumit për të dhënë atë bukuri futbollit që po u mungon të gjithëve.

Ne.k./Shqiptarja.com

TAG:
• Bundesliga
• Koronavirus