Autoritetet maqedonase sigurojnë konsumatorët familjarë se energjia elektrike nuk do të shtrenjtohet më tepër se dhjetë përqind, ndërkohë që kompanitë prodhuese dhe të menaxhimit me energjinë elektrike kërkojnë ngritjen nga 60 deri në 100 përqind të energjisë elektrike në vend.
Ministri i Ekonomisë, Kreshnik Bekteshi i tha medias në Shkup se “kompanitë energjetike mund të kërkojnë edhe dy mijë përqind të ngriten çmimet por mbetem në qëndrimin se më së shumti do të jetë deri në dhjetë përqind”.
Çmimi i energjisë elektrike pritet të caktohet brenda javës, ndërkohë që Komisioni Rregullator i Energjetikës nuk ka folur deri tani se sa do të rritet çmimi.
Sipas paralajmërimeve, do të hiqet edhe fasha dy orëshe pasdite që është dyfish më e lirë për një kilovat orë energji elektrike për konsumtorët, por tarifa e lirë do të vazhdojë të mbetet gjatë natës.
Vendi ndodhet në krizë energjetike, megjithëse situata me hidrologjinë, përkatësisht reshjet e ditëve të fundit e përmirësojnë punën e hidrocentraleve, por nga ana tjetër rrjeti energjetik i Maqedonisë së Veriut varet kryesisht nga termocentralet, të cilat punojnë me qymyr.
Për shkak të mungesës së prodhimit vendor, autoritetet maqedonase planifikojnë të blejnë tre milionë tonë linjit nga Kosova. Blerja do të bëhej për një periudhë tre vjeçare.
Kështu ka bërë të ditur ministri Kreshnik Bekteshi pas një takimi të para pak ditëve në Prishtinë, por zyrtarët e atjeshëm, nuk kanë ofruar të dhëna shtesë lidhur me marrëveshjen e mundshme.
Gjendja e krizës energjetike në Maqedoninë e Veriut do të zgjasë deri në muajin qershor të vitit të ardhshëm. Vendi importon rreth një të tretën e energjisë elektrike, ndërsa rreth 80% e prodhimit të energjisë elektrike brenda vendit bëhet me anë të qymyrit, dhe kjo duhet të pakësohet për shkak të synimeve për integrimin në Bashkimin Evropian.
Lajme të tjera
-
Gjykata Penale e Shkupit refuzon ankesën e Grubit, vendimi për paraburgim mbetet në fuqi
24 Dhjetor, 22:48 -
Ligji për Gjuhët në Maqedoninë e Veriut do të shqyrtohet në mars të vitit tjetër
23 Dhjetor, 18:19 -
Arben Taravari paralajmëron ‘arrestimin’ e Ali Ahmetit
20 Dhjetor, 10:11 -
Grubi në kërkim ndërkombëtar, reagon BDI: Propozuam ligj për mos futjen e non gratave në zgjedhje, e rrëzuan ata që na akuzojnë sot
19 Dhjetor, 11:32 -
SHBA i kërkon Europës t'i japë fund varësisë energjetike nga Rusia
18 Dhjetor, 19:41 -
Non grata nga SHBA/ Maqedonia e Veriut kërkon arrestimin e Artan Grubit, shpallet në kërkim ndërkombëtar
18 Dhjetor, 11:12 -
PD: Të zgjerohet falja e gjobave, paratë mbrapsht kujt pagoi! Fshini detyrimet për ujë e drita dhe gjobat e policisë
18 Dhjetor, 10:51 -
Shkup, Gjykata i cakton masën e paraburgimit ish-zv/kryeministrit Artan Grubi
17 Dhjetor, 17:39 -
Ali Ahmeti takohet me opozitën në Kosovë: Nuk takohem me Kurtin, sepse s’ka vullnet nga ana e tij!
17 Dhjetor, 14:54 -
Katër të arrestuar në rajonin e Strugës dhe të Gostivarit, të dyshuar për veprimtari terroriste
16 Dhjetor, 17:48 -
Policia maqedonase bastis shtëpitë e Artan Grubit dhe Përparim Bajramit
16 Dhjetor, 11:09 -
Bardhi denoncon zv/kryeministren: Vetëm me firmën e Ballukut ndodhin vjedhje dhe skandale të tilla, çfarë duhet më shumë për të mbajtur përgjegjësi?!
15 Dhjetor, 19:13
