POP 5

Lajmet më të lexuara të 5 minutave të fundit

Sport

Priti vite për kombëtaren! Profili i Qazim Laçit, emigranti që nuk pranoi të ndërronte emrin në Greqi

Qazim Laçi, autori i golit të parë në ndeshjen me Kroacinë, është nga ata shumë fëmijë të lindur e rritur në familje emigrantësh në Greqi, që kanë punuar çdo ditë për të arritur diçka. Laçi tani e ka shkruar emrin në historinë e kampionatit europian

Qazim Laçi, një fëmijë emigranti lindur e rritur në Greqi, as e kishte menduar se do të hynte në histori. Familja e autorit të golit të parë në ndeshjen e Shqipërisë përballë Kroacisë, dha gjithçka që djali tyre të vishte fanellën e kombëtares kuqezi.

Futbollisti 28-vjeçar, me origjinë nga Dibra, është rritur në shtetin grek, ku duhet të jetë përballur edhe me paragjykime për të ndryshuar mbiemrin, gjë të cilën nuk e pranoi kurrë. Tashmë ai e ka shkruar emrin në historinë e kampionatit europian.

Laçi  u thirr për  herë të parë me Kombëtaren Shqiptare në vitin 2020, nga tekniku Edi Reja, ndërkohë që fitoi edhe besimin e Silvinjos, për ta grumbulluar në listën e Kombëtares për ndeshjet e këtij kampionati europian.

Laçi së fundi luan me Spartën e Pragës në Çeki, e cila këtë vit ka zhvilluar një sezon të mirë, duke fituar njëkohësisht edhe Kampionatin vendas edhe Kupën, ndërsa talenti i kombëtares kuqezi ka luajtur një rol të rëndësishëm për ekipin.

Krenarinë e grumbullimit me kombëtaren, Laçi nuk e ka fshehur në asnjë moment, ndërsa pas ndeshjes së djeshme, karikoi djemtë e tjerë të ekipit që të mund të shpresojnë për një rezultat pozitiv, në ndeshjen e fundit në grup, atë përballë Spanjës.

“Ashtu si shkoi ndeshja me atë gol në fund, ne e meritonim të paktën një pikë. Ishte performancë shumë e mirë. Jam shumë i lumtur për golin, por më shumë rëndësi kanë pikët sepse tani kemi më shumë besim, për ndeshjen me Spanjën që do të jetë shumë e vështirë dhe pse jo më pas të mos tentojmë për vendin e dytë apo të tretë”, tha Laçi pas ndeshjes me Kroacinë.

G.M./I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Good luck: 20/06/2024 22:00

    Bravo,Laçi!djal shembull!

    Përgjigju
  • Ec aty: 20/06/2024 15:11

    Qazim Laçi meriton te luaj ne West Ham apo ne ndonje skuader premier League , ka shume talent ngjan me Ignesta dhe lojtar te shpejt i vemendshem! Nese luajne fort dhe me spanjen karriera do tju ec shume ketyre lojtareve!!! Bravo

    Përgjigju
  • Kuqezi: 20/06/2024 13:55

    Krenar per kete djale, duket qe eshte rritur me sacrifice nga menyra si luan ne fushe! ????????

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46