POP 5

Lajmet më të lexuara të 5 minutave të fundit

Sport

Pritjes i erdhi fundi, Juve-Milan rikthen futbollin në Itali (VIDEO)

Pritjes i erdhi fundi. Sonte rikthehet futbolli në Itali me superndeshjen Juventus-Milan. Dueli që nis në orën 21:00 do të përcaktojë edhe finalisten e parë të Kupës së Italisë. Ndërkaq mbrëmë ngriti siparin La Liga me Sevijan që fitoi 2-0 derbin ndaj Betis.

Pritjes që zgjati më shumë se tre muaj i erdhi fundi. Sot rikthehet futbolli në Itali me një superndeshje që vlen biletën për në finalen e Kupës së Italisë. Në Torino Juventusi pret Milanin në gjysmëfinalen e kthimit pasi ajo e para e luajtur në shkurt është mbyllur në barazim 1-1. Edhe pse ka në favor rezultatin e ndeshjes së parë tekniku i bardhezinjve Sarri e cilëson një duel të hapur dhe vlerëson Milanin si një skuadër që e ka vënë në vështirësi. Pjanic do të jetë në regji ndërsa treshja e sulmit do përbëhet nga Ronaldo-Dybala e Douglas Costa.

Milani ka një sërë mungesash për shkak pezullimi dhe dëmtimesh. Ibrahimovic, Castillejo, Theo Hernandez dhe Musacchio do të mungojnë ndërsa titullarë priten Paqueta, Calhanoglu dhe Rebic në majën e sulmit. Trajneri Pioli në konferencë ka sqaruar se sonte ndaj Juventusit skuadra e tij do të luajë shanset e saj ndërsa si objektiv mbetet kualifikimi në kupat e Europës. Sonte duke nisur nga ora 21:00 me Juventus-Milan rikthehet futbolli i madh ndërsa nesër luhet sfida tjetër Napoli-Inter.

Mbrëmë La Liga ngriti siparin me derbin mes Sevillas dhe Real Betis. Në një “Ramon Sanchez Pizjuan” të boshatisur për shkak të pandemisë më të fortë u treguan vendasit që fituan 2-0 ndaj Betis. Golat u shënuan në pjesën e dytë me Ocampos dhe Fernando. Barcelona zbret në fushë të shtunën e Reali të dielën.

Përgatiti: Andi Kapxhiu

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Greqi/ Policia bastis Burgun e Koridhalosit ku ka dhe shumë shqiptarë, kontrolle 19 të burgosurve! Gjenden thika të improvizuara dhe celularë

Greqi/ Policia bastis Burgun e Koridhalosit ku ka dhe shumë shqiptarë, kontrolle 19 të burgosurve! Gjenden thika të improvizuara dhe celularë

22 Janar, 16:42