Pritjes së ëmbël i ka ardhur fundi. Princ Leka dhe Blerta Celibashi janë bërë prindër të një djali të pagëzuar me emrin Aleksandër.

Sipas informacioneve vogëlushi ka ardhur në jetë mëngjesin e sotëm rreth orës 05:30.

Princ Leka dhe Blerta Celibashi e bënë publike lidhjen e tyre rreth një vit më parë. Çifti u martua në një ceremoni private në mars të këtij viti.

Princ Leka ka edhe një vajzë, Geraldinën, nga martesa e parë me aktoren Elia Zaharia. Martesa mes tyre u zgjidh zyrtarisht nga Gjykata e Tiranës më 25 prill të 2024, pas konflikteve të vazhdueshme dhe ndërprerjes së bashkëjetesës.

Ndarja e çiftit u shoqërua me një përplasje të fortë familjare që u bë publike në media, ku u raportuan edhe incidente mes Princ Lekës dhe familjarëve të ish-bashkëshortes.