Pas zyrtarizimit të lidhjes disa muaj më parë dhe daljeve të shpeshta së bashku në evente publike, Princi Leka dhe Blerta Celibashi janë në një fazë të re të jetës së tyre. Fotografja është në pritje të ëmbël dhe pas disa muajsh, familja do të mirëpresë fëmijën e parë së bashku. Princi, baba i një vajze nga martesa e parë me aktoren Elia Zaharia, këtë herë do të bëhet baba i një djali. 

Burime të afërta me çiftin kanë konfirmuar lajmin e pritjes së ëmbël, madje kanë zbuluar edhe gjininë e foshnjës. Blerta Celibashi do të bëhet nënë e një djali, ndërsa Princ Leka pritet të përjetojë sërish emocionin e atësisë.

Sipas të njëjtave burime, shtatzënia po ecën mirë dhe çifti është i rezervuar, duke zgjedhur ta jetojë këtë periudhë larg vëmendjes mediatike. Ndonëse lajmet për një shtatzëni kanë qarkulluar prej kohësh, tashmë është e konfirmuar që çifti po jeton një periudhë të bukur.

Për momentin, as Princi dhe as Blerta nuk kanë reaguar zyrtarisht për lajmin e pritjes së ëmbël, por burimet pranë tyre bëjnë me dije se përgatitjet për ardhjen e foshnjës kanë nisur prej pak kohësh./Popart.al