Biseda private të disa viteve më parë gjenden të publikuara në murin e përdoruesve të Facebook pa ndonjë paralajmërim.

Në këtë mënyrë shumë nga përdoruesit e rrjetit social janë tronditur kur kanë parë biseda të viteve 2007 dhe 2009 të publikuara në murin e tyre pa ndonjë njoftim.

Ndërkohë është njoftuar se ky problem nuk ka qenë i përgjithshëm por vetëm sporadik në disa përdorues të rrjetit social.

Ndonëse personat janë përpjekur për ti fshirë këto nga muri i tyre sërish miqtë mund të lexonin bisedat private.

Por personat përgjegjës për rrjetin social janë shprehur se një gjë e tillë nuk është e vërtetë dhe se ato mesazhe kanë qenë gjithnjë të dukshme.

Megjithatë autoritetet franceze nuk kanë qenë të bindur për këtë fakt dhe duan të dinë me siguri në qoftë se ishte thjesht një problem një sistem apo një thyerje e qëllimshme e privatësisë së përdoruesve.

(xh.k/shqiptarja.com)