Qeveria shqiptare propozon një ligj, i cili detyron restorantet të lidhin kontrartë bashkëpunimi me operatorë të licensuar për grumbullimin, përpunimin ose eliminimin e nënprodukteve me origjinë shtazore kur ato nuk depozitohen si mbetje.
I njëjti detyrim do të jetë edhe për fermat e kafshëve dhe thertoret, për rezervatet dhe dyqanet e peshkut.
Projekt-ligji i ri për “Nënproduktet me orgjinë shtazore” i hedhur për konsultim publik më 19 mars nga Ministria e Bujqësisë dhe Zhvillimit Rural, vendos detyrim gjithashtu edhe për supermarketet apo dyqanet që heqin nga tregu ushqime të cilat dëmtohen apo skadojnë apo nuk shiten.
Qëllimi i projektligjit është mbrojtja e mjedisit dhe shëndetit publik.
“Projekt ligji synon përafrim të pjesshëm me legjislacionin e Bashkimit Europian, kërkesë e ardhur nga takimet bilaterale me BE-në”, thuhet në relacion.
Mospajisja me kontratë për këta operatorë biznesi brenda 18 muajve nga data e hyrjes në fuqi të ligjit, u rrezikon heqjen e licencës për ushtrimin e aktivitetit. Dënimet administrative variojnë nga 10 mijë deri në 2 milionë lekë gjobë në varësi të shkeljes , si në tregtim, licencim, import apo eksport.
Konsultimi publik do të zgjasë deri më 18 prill, ndërsa Projektligji i cili supozohet se nuk përmban efekte financiare shtesë për buxhetin e shtetit synohet të miratohet në vitin 2024, por parashikohet të shtrijë efektet nga data 1 shkurt 2026.
(Kliko këtu për të lexuar dokumentin e plotë)
Lajme të tjera
-
Pse po shtohen rastet e infektimeve në Shqipëri?
3 Shkurt 2021, 21:45 -
Jahaj për Report Tv: Baret dhe restorantet sektori më i penalizuar, xhiroja ka rënë në 50%! Të ulet TVSH e të shtyhet afati i pagimit të tatimeve
27 Janar 2021, 17:47 -
Shqiptarët shpenzuan rreth 210 milionë euro më pak gjatë karantinës
25 Nëntor 2020, 08:59 -
S'ka vetëshërbim, tavolinat me distancë 2 m/ Nga sot hapen ambientet e mbyllura të bareve, restoranteve dhe pishinave! (Protokollet e sigurisë)
1 Shtator 2020, 07:15
