Sistemet e trafikut ajror në Shqipëri u fikën gjatë ditës së sotme rreth orës 17:30 për shkak të një problemi teknik. Lajmin e konfirmoi vetë Albcontrol. Situata ndërkohë shkaktoi vonesa në fluturimet drejt dhe nga Rinasi. 

Për plot një orë fluturimet u shtynë ndërkohë që Albtcontrol thotë se ekspertët e tij morën menjëherë masat për të shmangur çdo rrezik për avionët dhe nisën punën për rikthimin e sistemeve. Sipas Albcontrol rreth orës 18:00, 90% e sistemeve ishin rikthyer në funksion normal, por nga ana tjetër historiku i fluturimeve në faqen online të Rinas-it tregon që fluturimet ishin me vonesë deri në orën 18:45. 

Sipas informacioneve të Report TV, fluturimi i parë pas këtij blackout-i ishte ai drejt Varshavës i linjës LOT që u nis në orën 18:45. Avioni më i fundit që tentoi të ulej në Rinas ishte Euroëings por nuk ia doli dot 

 

1787936090_Screenshot56.jpg

Foto nga faqja e Rinas-it ku tregohen vonesat në fluturimet me nisje nga Tirana

Edhe pamjet  satelitore konfirmojnë se në këtë hark kohor hapësira ajrore e Shqipërisë ishte e zbrazët. 

Ndërkohë Albcontrol thotë se reagimi në kohë dhe profesionalizmi i ekipeve bënë të mundur shmangien e bllokimit të trafikut ajror në hapësirën shqiptare. 

Lajmi në përditësim 

Rendit zhvillimet sipas orarit:
Ora 19:24
Rinasi plot me pasagjerë, fluturimet jashtë orarit, mbi 10 fluturime me vonesë në pak më shumë se një orë! Këto janë destinacionet e prekura

1787938043_rinas.png

Në tabelën e fluturimeve në Rinas, të filmuara nga Report TV, dallohen mbi 10 fluturime me vonesë në harkun kohor nga ora 18:10 deri në 19:30. Në ekran shfaqen oraret e planifikuara dhe vonesat e fluturimeve, pas problemit teknik që preku sistemet e trafikut ajror. Destinacionet ku janë hasur më shumë vonesa janë Parisi, Barcelona, Milano, Athina, Roma, Londra, Brukseli etj. 

U.D/Shqiptarja.com

Ora 19:10
Fiken sistemet e trafikut ajror, çfarë po ndodh në Rinas? Pasagjerë të shumtë në pritje (VIDEO)

Pasagjerë të shumtë janë filmuar duke pritur në Rinas, ndërsa problemi teknik që preku sistemet e trafikut ajror shkaktoi vonesa mbi një orëshe në fluturimet e tyre

Pamjet që vijnë për Report TV tregojnë sallene aeroportit të mbushurme udhëtarë në pritje për tu nisur për destinacionet e tyre. 

Në faqen e ëeb-it të Rinasit, fluturimet në ardhje janë të anulluara, ndërsa 15 nga ato në nisje janë me vonesë

 

U.D/Shqiptarja.com