Procedim penal faturistit mashtrues
merr lekë nga OJF, s'i derdh në CEZ

Procedim penal faturistit mashtrues <br />merr lekë nga OJF, s'i derdh në CEZ
FUSHE-KRUJE / Një faturist në kompaninë energjetike Cez-Shpërndarja është ndjekur penalisht në gjendje të lirë pasi përmes mashtrimit i ka vjedhur OJF-ve 2 milionë lekë të reja.

Lajmi bëhet i ditur nga policia e Durrësit, e cila nëpërmjet një njoftimi për shtyp bën të ditur se rasti në fjalë është denoncuar nga shtetasi G.Xh, përfaqësues i një OJF-je në Bubq.

Ky shtetas deklaron se është njoftuar nga kompania Cez të jetë debitor në shumën e 2 milionë lekëve të reja, pagesa të cilat sipas tij ia ka likuiduar rregullisht faturistit 51-vjeçar. Denoncuesi thotë se për të vërtetuar dëshminë e tij posedon edhe kopje të faturave si dhe librezën elektrike me firmat dhe vulat e këtij faturisti.

Sipas policisë, dyshohet që 51-vjeçari, faturist në kompaninë Cez, të mos ketë bërë derdhjen e shumave të marra nga OJF-të në arkën e kompanisë Cez.

Materialet për veprën penale të vjedhjes së kryer duke shpërdoruar detyrën iu kaluan për ndjekje Prokurorisë së Rrethit Krujë.

Redaksia Online

(Gre.M/Shqiptarja.com)

  • Sondazhi i ditës:

    Si e vlerësoni urdhrin për heqjen e pushimeve verore për policët?



×

Lajmi i fundit

Euro 2024/ Paqe në Leipzig, Holanda dhe Franca barazojnë 0-0! Polonia jashtë Europianit

Euro 2024/ Paqe në Leipzig, Holanda dhe Franca barazojnë 0-0! Polonia jashtë Europianit