Procesi i licensimit, drejtuesit e klubeve mblidhen në FSHF. Duka: Qëllimi të kemi ekipe sa më të organizuara

Në ambientet e federatës shqiptare të futbollit është zhvilluar sot një mbledhje mes drejtuesve të FSHF-së dhe përfaqësuesve të të gjithë klubeve të Superiores për procesin e licensimit 2020-21, i cili ka nisur më herët se kurrë me qëllim për të shmangur surprizat në momentin e fundit.

Në takimin e zhvilluar u diskutua për shumë pika, ndër të cilat mënyra e strukturimit të klubeve, mënyra e hartimit te informacioneve financiare të nevojshme sipas kërkesave të UEFA-s, plotësimin dhe hartimin e buxheteve për çdo grupmoshe, trajtimin e oficerëve të sigurisë, por edhe disa pika të tjera që kishin të bënin me organizimin e ndeshjeve.

Deri më 31 janar do të jetë afati i dorëzimit të draftit të parë të dokumentave për secilin klub, ndërsa deri më 28 shkurt duhet të jetë gjithçka e plotësuar. Duke parë se aspekti financiar është më i rëndësishmi, dorëzimi i dokumentave do të behet më 31 mars, ndërsa përgjigjja finale për klubet nga komisioni i lecensimit do të jepët më 30 prill.

LEXO EDHE:
Historike/ Egnatia mposht 2-0 Kukësin dhe fiton Superkupën e Shqipërisë, rrogozhinasit bëjnë ‘tripletë’ trofesh! Largohet Çela (VIDEO)

Pas mbledhjes disa nga protagonistët u shprehën:

Armando Duka: “Objektivi i mbledhjes është procesi i licensimit, por jo vetëm kaq, një lloj bashkpunimi për ti ndërgjegjësuar klubet më shumë që të bashkëpunojnë me të gjithë eskpertët e federatës, me ekspertët që federata do të marrë jashtë saj, për të patur klube sa më të organizuara dhe që marrin rezultatet sa më të mira.”

Refik Halili: “Kjo mbledhje ishte e vlefshme sepse pjesa ligjore apo financiare është pikë e dobët. Do të ketë një mbështetje nga ana e specialisteve si nga ana e klubeve dhe nga ana e federatës, kjo është diçka shumë e mirë. Do të shohim të metat që kemi, të konsultohemi me specialtët dhe për të ardhmen të bëjmë më të mirën.”

Sinan Idrizi: “Ne lamë një datë të qartë për mbledhjen tjetër, pra jo teorike por praktikisht. Folëm për ligjet e sporteve dhe rrugëtimin për ligjen e sporteve. Përfundimisht nga ky rrugëtim do të kuptojmë nëse do të jemi të gjithë bashkë apo gjysmëbolshevik si kryetarët e bashkive që vijnë këtu dhe në të tjerët nuk e dimë se çfarë jemi.”

Arsyeja përse procesi i licensimit nisi kaq herët këtë vit është për shkak të problemeve të shumta të disa klubeve, si dhe presionit në rrijte të UEFA-s në këtë aspect.

TAG:
• fshf
• licensimi

Sondazhi i ditës:

Si ka qene per ju viti 2024?

• I mire

  43.7%

• I keq

  22.7%

• As i mire as i keq

  33.6%

Vota total: 1608

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq