Procesverbalet EKSKLUZIVE/ Ja si Berisha-Meta emëronin gjyqtarët e Kushtetueses para 2014 mbi preferenca, lobime e besnikëri! Si emërohen sot 

TIRANE - Ish-kryeministri Sali Berisha dhe Presidenti Ilir Meta ka disa muaj se kanë dhënë alarmin për kapjen e Gjykatës Kushtetuese dhe Gjykatës së Lartë nga qeveria, ndonëse sot asnjëra nga këto gjykata nuk është ende funksionale. Për këtë çështje Meta i ka dërguar edhe një letër Komisionerit për Zgjerimin Oliver Varhelyi.

Por si janë emëruar anëtarët e Gjykatës Kushtetuese dhe të Lartë nga PD-LSI para 2014 dhe si emërohen sot?

Sa të sinqertë janë Berisha dhe Meta me shqetësimin e tyre?

A ka shanse të përsëritet sot skenari i PD-LSI para 2014 me emërimin e të besuarave të tyre në dy gjykatat në fjalë?

Shqiptarja.com sjell ekskluzivisht disa procesverbale të procedurave të ndjekura nga PD-LSI, para dhe gjatë vitit 2013, për diktimin e kandidatëve të preferuar në dy gjykatat kryesore.

Kur ishte Bamir Topi President, PD-LSI, por sidomos Partia Demokratike, bllokonte në mënyrë arbitrare që në Komisionin e Ligjeve kandidatët e dekretuar, të cilët nuk ishin të besueshëm se mund t’i shërbenin partisë.

Komisioni i Ligjeve, në atë kohë me në krye Ilir Rusmalin dhe Eduard Halimin, kalonin në seancë plenare për votim vetëm kandidatët e preferuar të PD-së.

Pas ardhjes së Nishanit në krye të Presidencës në qershor të 2012, pati një koordinim mes PD dhe Nishanit, për plotësimin e vendeve vakante në të dy gjykatat, deri në prill të vitit 2013, para se PD të rrëzohej nga pushteti. Të gjithë anëtarët e emëruar nga PD-LSI në Gjykatën e Kushtetuese dhe Gjykatën e Lartë, me përjashtim të Ardian Dvorani i shpallur sot armik nga Meta-Berisha dhe Vitore Tushës, janë shkarkuar nga Vetingu ose ia kanë mbathur nga drejtësia para se të përballeshin me Vetingun.

Po si i emëronin PD-LSI gjyqtarët e nivelit të lartë?

Në seancën e 1 prillit 2013, PD emëroi Xhezair Zaganjori në Gjykatën e Lartë, si dhe Besnik Imerajn dhe Gani Dizdarin në Kushtetuese. Në atë kohë, opozitës socialiste as nuk i jepeshin dekret, por futeshin menjëherë në seancë dhe votoheshin. Emrat emëroheshin në mënyrë të njëanshme dhe në bazë preferencash dhe lobimesh brenda partisë në pushtet.

“E para, dekretet s’janë në sallë. E dyta, s’e ke shpallur në rendin e ditës. Pra, në zbatim të Kushtetutës, kur hape seancën dhe lexove rendin e ditës të kësaj seance nuk ishte kjo pikë. Në zbatim të Rregullores së Parlamentit shpërndahet rendi i ditës. Nuk e ke të shënuar. Ti nuk e ke bërë këtë, prandaj je në shkelje të plotë të Rregullores dhe të Kushtetutës”, pohon Gramoz Ruçi, në atë kohë kryetar i grupit të PS në opozitë.

Ndërkaq, Jozefina Topalli, në atë kohë kryetare e Kuvendit, thotë se “Në zbatim të Kushtetutës dekretet e Presidentit hyjnë automatikisht....Urimet më të mira z. Zaganjori me 76 vota pro!”.

Pas Zaganjorit, sot i shkarkuar nga Vetingu, emërohen në të njëjtën mënyrë edhe Imeraj dhe Dizdari. Pro tyre ka votuar edhe Ilir Meta bashkë me deputetët e LSI. Në të njëjtën mënyrë janë emëruar më parë edhe Fatmir Hoxha, Altina Xhoxhaj dhe Bashkim Dedja, të gjithë të shkarkuar nga Vetingu.

Në prill dhe në maji të 2013, PD, në koordinim me Nishanin, emëroi edhe tre anëtarë të Gjykatës së Lartë, Admir Thanzën, Tom Ndrecën dhe Artan Brocin, që të tre të shkarkuar nga Vetingu. Gjatë votimit të tyre, LSI ishte larguar nga koalicioni me PD, por PD arriti të merrte dy deputetë nga PS, Asllan Dogjanin dhe Kastriot Islamin. Nga procesverbali i votimit, Islami dhe Dogjani, rezultojnë vendimtarë jo vetëm në emërimin e anëtarëve të Gjykatës së Lartë, por edhe në krijimin e kuorumit për mbledhjen e Kuvendit. Në seancën për votimin e Artan Brocit, kanë marrë pjesë vetëm 71 deputetë, bashkë me dy deputetët e PS. Me 96 deputetë, Kuvendi nuk mund të mblidhej.

“Zonja kryetare, në votimin e kandidaturës së z. Artan Broci për anëtar të Gjykatës së Lartë, morën pjesë 71 deputetë. Të 71-të votuan pro, asnjë kundër, asnjë Parlamenti jep pëlqimin për emërimin e z. Broci”, thotë Viktor Gumi, në atë kohë deputet i PD. Ndërkaq, në seancën për votimin e Tom Ndrecës, rezulton se ka votuar kundra vetëm Dritan Prifti.

Në seancën e 27 korrikut 2008, PD voton disa anëtarë të Gjykatës së Lartë dhe KLD. Në këtë seancë, pas votimit, Jozefina Topalli shprehet: “Atëherë, falënderoj anëtarët e Sekretariatit, zotërinjtë Madhi, Dervishi dhe Bumçi për punën e bërë dhe rikonfirmoj edhe një herë se z. Neshat Fana zgjidhet anëtar i Këshillit të Lartë të Drejtësisë, në vend të zotit Ilir Panda, të cilit i ka mbaruar mandati. Gjithashtu jepet pëlqimi për emërimin e z. Guxim Zenelaj, anëtar i Gjykatës së Lartë, për emërimin e zonjës Evelina Qirjako, anëtare e Gjykatës së Lartë, për emërimin e z. Andi Çeliku, anëtar i Gjykatës së Lartë, për emërimin e zonjës Majlinda Andrea, anëtare e Gjykatës së Lartë, të z. Aleksandër Muskaj, anëtar i Gjykatës së Lartë”.

Neshat Fana njihej si avokat i Sali Berishës. Majlinda Andrea u dënua për korrupsion. Të tjerët ose janë shkarkuar nga Vetingu ose janë larguar nga drejtësia, për të evituar Vetingun, siç është rasti i Arjana Fullanit, bashkëshortja e Ardian Fullanit.

Si emërohen sot anëtarët e Gjykatës së Lartë dhe Kushtetuese?

Sot politika nuk ka asnjë rol formal apo informal në emërimin e anëtarëve të dy gjykatave më të rëndësishme. Kuvendi sot ka në kompetencë për të emëruar tre nga 9 anëtar të Gjykatës Kushtetuese, por brenda një liste që i vjen nga Këshilli i Emërimeve në Drejtësi. Për çdo vend vakant, Kuvendi emëron një nga tre kandidatë të listuar nga KED brenda 30 ditëve, në të kundërt kandidati i parë konsiderohet si emëruar.

Ndërkaq, Kuvendi, ose partitë politike që përfaqësohen në Kuvend, janë të përjashtuar tërësisht nga procesi i zgjedhjeve së anëtarëve të Gjykatës së Lartë. Anëtarët e Gjykatës së Lartë emërohen nga Presidenti, në bazë të një liste me kandidatë që i dërgon KED. Vetë KED përbëhet nga magjistratë nga të gjitha nivelet e drejtësisë, të cilët zgjidhen me short. Mandati i tyre është njëvjeçar. Ndërsa procedurat e zgjedhjes së kandidatëve për gjyqtarë të lartë bazohen në disa rregulla strikte. Procesi montohet nga përfaqësues ndërkombëtarë. 

Nëse Besnik Imeraj, Sokol Berberi dhe Vladimir Kristo nuk do të jepnin dorëheqjen, sot Kushtetuesja do të ishte funksionale. Edhe Gjykata e Lartë do ishte funksionale sot nëse Mirela Fana, Andi Çeliku, Aleksandër Muskaj, Evelina Qirjako, Guxim Zenelaj dhe Arjana Fullani nuk do të jepnin dorëheqjen njëri pas tjetrit.

Ja çfarë ka ndodhur me gjyqtarët e emëruar nga PD-LSI në dy gjykatat kryesore në Shqipëri

Bashkim Dedja, Gjykata Kushtetuese, i emëruar në 2010 nga PD-LSI, i shkarkuar nga Vetingu për pasurinë. 
Fatos Lulo, Gjykata Kushtetuese, i emëruar në 2010 nga PD-LSI, i shkarkuar nga Vetingu për pasurinë. 
Besnik Imeraj, Gjykata Kushtetuese, i emëruar nga PD-LSI në 2013. Dha dorëheqjen më 31 janar 2018, duke shmangur vetingun. Mund të qëndronte në detyrë deri kur të zëvëndësohej. 
Fatmir Hoxha, Gjykata Kushtetuese, i emëruar në 2011 nga PD-LSI, i shkarkuar nga Vetingu për pasurinë. 
Altina Xhoxhaj, Gjykata Kushtetuese, e emëruar në 2010 nga PD-LSI, e shkarkuar nga Vetingu për pasurinë. 
Gani Dizdari, Gjykata Kushtetuese, i emëruar në 2013 nga PD-LSI, i shkarkuar nga Vetingu për pasurinë. 
Sokol Berberi, Gjykata Kushtetuese, i emëruar nga PD në 2007. Dha dorëheqjen në 2016. Mund të qëndronte në detyrë deri kur të zëvëndësohej. 
Vladimir Kristo, i emëruar në prill 2007 nga PD, jep dorëheqjen në korrik 2017, pasi përfundon mandatin. Mund të qëndronte në detyrë deri kur të zëvëndësohej. 
Admir Thanza, Gjykata Lartë, i shkarkuar nga Vetingu për shkak të fshehjes së një dënimi në Itali për vjedhje dhe mosjustifikimit të pasurisë. Emëruar nga PD në 2013. 
Tom Ndreca, Gjykata e Lartë, i shkarkuar nga Vetingut, për shkak të mosjustifikimit të pasurisë dhe kontakteve me një person të inkriminuar. Emëruar nga PD në 2013.  
Artan Broci, Gjykata e Lartë, i shkarkuar nga Vetingu për pasurinë. Emëruar nga PD në 2013. 
Majlinda Andrea, Gjykata e Lartë, e dënuar për korrupsion, e emëruar nga PD në 2008. 
Mirela Fana, Gjykata e Lartë, emëruar nga PD në 2009. E dorëhequr në 2017 para Vetingut. Mund të qëndronte në detyrë deri kur të zëvëndësohej. 
Andi Çeliku, Gjykata e Lartë, emëruar nga PD në 2008. I dorëhequr në 2017 para Vetingut. Mund të qëndronte në detyrë deri kur të zëvëndësohej. 
Aleksandër Muskaj, Gjykata e Lartë, emëruar nga PD në 2008. I dorëhequr në 2017 para Vetingut. Mund të qëndronte në detyrë deri kur të zëvëndësohej. 
Evelina Qirjako, Gjykata e Lartë, emëruar nga PD në 2008. E dorëhequr në 2017 para Vetingut. Mund të qëndronte në detyrë deri kur të zëvëndësohej. 
Guxim Zenelaj, Gjykata e Lartë, emëruar nga PD në 2008. I dorëhequr në 2017 para Vetingut. Mund të qëndronte në detyrë deri kur të zëvëndësohej. 
Arjana Fullani, Gjykata e Lartë, emëruar nga PD në 2008. E dorëhequr në 2017 para Vetingut. Mund të qëndronte në detyrë deri kur të zëvëndësohej.

Procesverbalet e miratimit nga PD dhe LSI të tre anëtarëve në Gjykatën e Lartë dhe Kushtetuese të vitit 2013

 

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ymeri: 07/03/2020 23:08

    SI I VOTON POPULLI KETA NDYRESIRA ,,,NJE ZOT E MERR VESH?????/

    Përgjigju
    • Ilir: 08/03/2020 13:14

      Kane nje emerues te perbashket, "emeruar nga Pd". Le t'i dergojne keto te dhena edhe Komisionerit te BE-se, partive te djathta europiane, qe te kuptojne se C'HALE eshte PD dhe lsi bashke. Keshtu te mendohen kur perkrahin keta BASTARDE.

  • Judgment Day: 07/03/2020 21:10

    Duhet te mesojme nga e djeshmja dhe gabimet tona ndaj duhet reagim i forte popullor sot qe mos te kemi nje Shkelzen tjeter me emrin Zaho neser ku drejtesia ti ulet ne gjunje!

    Përgjigju
  • leone: 07/03/2020 17:47

    Zoti Doci! keni bere shume mire qe e botuat kete procedure magjoze teemerimeve qe kane bere te dy bandat e medha te ketij vendi,qe sot ulerijne segjoja po shjkelet kushtetuta,te ciles ata i kane lene pa shkelur vetem kapaket dhe emrin,sepse e kane bene [prej vitesh nen bythe.Problemi eshte se gabimin qe beri Rama,dora vete,duke e vene kete hajdut me cizme ne krye te vendit po e paguan jo vetem Rama e partia e tij por gjithe vendi,sepse qellimi i katershes Berisha-lyli-like Esponoza dhe Muniu i tijmeshte bllokimi i gjykates kushtetuese,qe te mos mundette shkarkohet kokelopa ose ne te kundert te fuse atje njerfezit e tij qe te mos munden me shumice votash ta shkarkojne. Une nuk e di ,por a i lexojne keto shkrime perfaqesuesit e ambasades amerikane dhe te BE ? dhe nese i lexojne si i behet qe te kapercehet ky problem? Kurse sa per komisionin e Venecies te them te drejten jam i dyshuar me menyren e gjykimit te tyre.Ata nuk e kane idene se cfare kane bere cifti Metaj-Berishovic (UDB-ja) kur kishin pushtetin me emerimet per gjykaten kushtetuese e gjykaten e larte dhe tani bejne cic-mic me gjoja afatet e radhen dhe e interpretojne ate sipas llogjikes se te degjeneruarit Metaj.Kete nuk mund ta kuptoj.Ilir Metaj duhetshkarkuarjo vetem per pehlivanlleqet qe beri me Canin e Xhaferllarin,por se pari per pasurine e tij perrarrore,per korrupsionin edeklaruar te tij,per zarfat e dhena prej tij ne Lezhe per vjedhjen e votave ,per implikimin e tij ne grabitjen e pasurise se popullit ne dosjen e cezit etj etj.Si mundet qe te lihet ne dore te tij te pakontrolluar betimi i te zgjedhurve ne gjykaten kuhstetuese?Dhesidomos tani qe ai eshte cmendur fare dhe sulmon majtas e djathtas dhe pa doreza kedo qe i ngrihet duke filluar qe nga qeveria,nga ambasada Amerikane e nga perfaqesuesit e bashkimit europian ne shqiperi? Lihet ky qen i zgjebosur pa fre?!Eshte e pamundur telejohet kjo gje! Keto proces verbale zoti Doci dhe zoterinj tepartise socialiste ,zonja Kim dhe zoti Soreca apo Bochart duhet ti dergohen komisionit te venecias ashtu sic jane ,origjinale,qe te marrin vesh dhe ata se me ke kane te bejne,apo ata rrojne ne tjeter planet dhe jane aq strikt sa nuk u intereson fare veprimtaria kriminale e ketij mafjozi me karrige presidenciale.E dine ata se ketu pokalojne ne skaner te gjithe te korruptuarit me apo pa kollaro dheEuropa kerkon arrestime te pushtetareve me imunitet apo jo? Kush perpara Ilir Metajt e meriton kete ,duke perjashtuar Salih UDB-ashin?Turp per ta nese jane kaq te ftohte!

    Përgjigju
  • Andy: 07/03/2020 17:40

    Deri dje i emeronte Saliu, sot i emeron Rama. Hidhni nje sy: Ilir Panda ish minister drejtesie i PS, Sokol Sadushi drejtor magjistrature i emeruar nga PS, Ervin Pupe baxhanak i ish deputetit she minister te PS. Ramaforma po merr forme. Cavalera po fle gjume. Mjere shqiptaret

    Përgjigju
  • Populli: 07/03/2020 16:29

    Pra gjith militantet qe akoma jane ne drejtesi edhe sot!dhe hajdutet qe vetingu i shkarkoj si hajduter!keto jan produkti hajduteve PD+LSI qe sot qirren si te terbuar per drejtesine qe po ngrihet!kane frike nga krimet dhe hajduterite qe kane bo keto maskarej te PDse dhe LSIse ketij populli.

    Përgjigju
  • Karl Marx: 07/03/2020 16:02

    Historia e emerimeve te Gjykates Kushtetuese dhe te Larte eshte ajo qe artikulli tregon. Porse nuk filloi me Salen apo Meten. Nga sa duket, as ka per te perfunduar me to. Ne 98 dhe 2003, 04, ishte maxhoranca e majte qe caktoi perberjen. Pas 2005, Saliu 1 e pati te veshtire te bente zvendesimet. Edhe pas sulmeve dhe retorikes se tij per gjoja reformim te drejtesise, lufte ndaj KO , si sot, nuk mundi te kishte ne dore kontrollin. Pas kalimit te kohes, Saliu 2 e arriti qellimin duke e marre kontrollin dhe perberja e GJK e GJL u dominua prej tij. Dallimi ishte qe u respektua procedura dhe u priten afatet. Sot, eshte e njejta loje. Thjesht reforme per te marre ne kontroll pushtetin gjyqesor. Si fillim u destabilizua Prokuroria e Krimeve te Renda. Pasiqe me Rama 1 u pa qe ishte agresive dhe goditese porse jo ne kontroll. Ndaj edhe u "komplikua" nje cike situata. Asgjesimi I PKR I dha frymarrje qeverisjes dhe garanci te pezullimit te ndjekjeve penale. Porse kontrolli nevojitet teresor ndaj dhe nuk ka asnje hap mbrapa. Maxhoranxa nuk ka asnje interes ne formimin e gjykatave apo prokurorise. Per 2 -3 vote te tjera ajo eshte e lire te beje si te doje pa frike. E reja ne kete menyre veprimi kriminale eshte se qeveria ushtron pushtetin e dhe pamvaresisht abuzimit, ajo perfiton sot nga mungesa e drejtesise dhe neser garanton mosprekjen nga kontrolli I saj

    Përgjigju
    • Gezim: 07/03/2020 18:51

      Mir e ke ti por kujt ja thua,ne jemi trushplare, po te kuptonim kaq shume zdo ishim keta qe jemi.

  • sapa: 07/03/2020 15:51

    Sikur gjygjtaret dhe prokuroret si dhe politikanet me gjithe familjaret e tyre te eleminoheshin asgje nuk ju kthen shqiptareve ate qe kane humbur prej vendimeve te tyre!Kjo do ishte me e pakta qe duhej tju ndodhte atyre dhe askush nuk do kishte meshire per ta pervec perkrahesve te tyre hajdute dhe te korruptuar!

    Përgjigju
  • Motren Ku ta ken te dy: 07/03/2020 15:28

    Pse nuk i arrestojn te dy kta pushta

    Përgjigju
  • Genci: 07/03/2020 15:17

    Ata i ndanin duke thene O zotri kta jane të mit, e ata jan te tut. Gjygjtaret ishin ndare me zona influence dhe drejtesia jone malumë.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Gazment, rrugës për në SPAK merr edhe këto letra me vete

Gazment, rrugës për në SPAK merr edhe këto letra me vete