Sali Berisha dhe partia e Ilir Metës kanë nisur të akuzojnë Lulzim Bashën për skanerin e djegies së mandateve parlamentare në mars të vitit 2019, lëvizje e cila u ndërmarrë për të rrëzuar qeverinë Rama, por që u kthye në bumerang për opozitën. Në 13 shtator 2021, katër ditë pasi Basha e përjashtoi nga grupi i PD-së me kërkesës së SHBA, Sali Berisha nisi të akuzojë Bashën për djegien e mandateve. Berisha tha se “Ai (Lulzim Basha) duhet t’i dalë zot vendimit. Po më pyet, kam mendimin tim. Unë e kam mbështetur këtë, sikundër kam thënë ky vendim mund ta çojë në fitore, sikundër mund ta çojë në greminë ose në vetëvrasje”.
Pasditen e djeshme, kryetarja e Lëvizjes Socialiste për Integrim, Monika Kryemadhi, tha se Lulzim Basha i kishte premtuar se kancelaria gjermane Angela Merkel dhe Partia Popullore Evropiane do të përshëndesnin vendimin e opozitës për djegien e mandateve. “Listës së mashtrimit, që për djegien e mandateve do t’i dilte në krah kancelarja Merkel dhe PPE, iu shtua tashmë publikisht edhe kjo e 15 mandateve të ofruara”, tha Kryemadhi, duke akuzuar Lulzim Bashën.
Ndërkaq, Presidenti Ilir Meta ka akuzuar bashkëshorten e tij, Monika Kryemadhi dhe Lulzim Bashën për këtë skenar. Meta ka deklaruar se ndodhej në Gjermani, pasi sipas tij, nëse do të ndodhej në Tiranë, do të ndalonte djegien e mandateve, thua se nuk punonin telefonat dhe format e tjera të komunikimit, për t’i kërkuar gruas së tij të tërhiqej nga akti ekstrem, që u dënua nga SHBA-BE.
Në 3 tetor 2019, Meta ka theksuar se “Zero marrëveshje mes meje dhe Monika Kryemadhit! Dhe mund t’ju them se edhe ajo më ka gënjyer për çështjen e mandatave kur unë kam qenë në Gjermani dhe i kam shkruar në “whatsapp” se kjo është një marrëzi, nuk duhet të ndodhë në asnjë mënyrë. Ajo më tha: pa problem se edhe po ndodhi kjo mund të jap vetëm unë dorëheqje për arsye solidariteti, etj., po ata të tjerët nuk do t’i lënë mandatet. Dhe në fakt ndodhi gjë tjetër”.
Faktet tregojnë se djegia e mandateve është një skenar i Sali Berishës dhe Ilir Metës, për të krijuar turbullira politike në Shqipëri, prodhuar një krizë institucionale, si dhe për të krijuar kushtet për të ardhur në pushtet dhe për bllokuar reformën në drejtësi.
Shqiptarja.com sjell një dokument parlamentar, ku Sali Berisha ka shprehur hapur idenë e djegies së mandateve që në 2 korrik të vitit 2015. Sapo mori fjalën, Sali Berisha se kishte shkruar në Parlament me mendimin e djegies së mandatit.
“Duke ardhur në parlament po mendoja se cili xhest do të ishte më i përshtatshmi si protestë. Për herë të parë në karrierën time politike më erdhi ndër mend një akt, një xhest: djegia e këtij mandati që unë kam në xhep si deputet para parlamentit. Po hyjmë këtu në këtë sallë për një funeral, po hyjmë në këtë sallë për seancën e funeralit të votës së lirë, në funeralin e zgjedhjeve, që një klikë i shkatërroi ato në mënyrën përfundimtare, në mënyrën më të papërgjegjshme”, tha Berisha.
Idenë e djegies së mandateve Sali Berisha nisi të artikulonte publikisht sërish në fund të vitit, duke ia imponuar edhe Lulzim Bashës. Në 18 dhjetor të vitit 2017, kryetarja e LSI, Monika Kryemadhi u shpreh publikisht kundër këtij skenari. “Ky është mendimi i z. Berisha. Mandatet e LSI nuk janë mandate që ia ka dhënë Edi Rama”, tha Kryemadhi.
Sali Berisha nxiti opozitën gjatë vitit 2018 për të dorëzuar mandate parlamentare. Në qershor të vitit 2018, Berisha tha se “Jo një herë, por të paktën 50 herë në ditë, unë mendoj që se pse rri në atë Parlament...”. Teksa Lulzim Basha i ishte bindur presionit të tij, Berisha duhet të bindte LSI-në, e cila kundërshtonte skanerin.
Në shkurt të vitit 2019, edhe LSI-ja iu bashkua idesë së Berishës për aktin ekstrem të opozitës. Për kthesën e LSI, ka dyshime të forta se rol vendimtar ka luajtur Ilir Meta, aleat i Sali Berishës dhe kryetar de fakto i LSI-së. Kur Basha dhe Kryemadhi finalizuan heqjen dorë nga mandatet në Kuvend, Ilir Meta shkoi në Gjermani, për të pasur një alibi se nuk kishte gisht në këtë vendim, ndërsa Sali Berisha tha se do të respektonte vendimin e opozitës!
Procesverbali kur Berisha deklaroi për herë të parë skenarin e djegies së mandateve
Komente
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01
Berisha dhe Meta ngjajne si oficeri qe organizoi ne prapaskene rebelimin te filmi /The Caine mutiny/-1954 dhe Basha si oficeret qe u gjykuan.Kush do te jete ai qe do ia <<perplase>> kesaj dysheje famekeqe,te verteten ne fytyre,sic ndodhi ne film?
Përgjigju