POP 5

Lajmet më të lexuara të 5 minutave të fundit

Ekonomi

Prodhimi i pasaportave e ID i kalon shtetit, ikën ‘ALEAT’! Pritet krijimi i një kompanie shtetërore për prodhimin dokumenteve biometrike

16 vite pas fillimit të koncensionarit “Aleat”, qeveria shqiptare ka vendosur të ngrejë një  kompani të re shtetërore për prodhimin e dokumenteve biometrike, dhe ajo mund të nis punën në korrik të 2023.

 “Aleat”, kompania koncensionare që ofron shërbimin e prodhimit të dokumenteve biometrike, pasaportë dhe kartë identiteti, prej 16 vitesh, nuk do të ketë rinovim kontrate me qeverinë shqiptare. Në muajin korrik 2023 përmbyllet kontrata 10 vjeçare e firmosur në maj të vitit 2013, teksa në vijim pritet krijimi i një kompanie shtetërore për prodhimin e këtyre dokumenteve.

Autoritetet shqiptare kanë parë të arsyeshme të kalojnë në duar të shtetit prodhimin, teksa diskutimet fillestare për zgjatje të kontratës me “Aleat” apo zëvendësimin e saj me një tjetër kompani janë përmbyllur. Ky është koncensioni i dytë brenda pak kohësh që kalon nga koncensionari në duar të shtetit, pas atij të kontrollit teknik të automjeteve.

I gjithë kalimi nga “Aleat” në një kompani që do të krijohet rishtas për vijimin e prodhimit të pasaportave dhe kartave të identitetit do të bëhet brenda vitit 2023, dhe nisja e punës pritet të jetë gushti ose shtatori i këtij viti. “Aleat” ka detyrimin të vijoj prodhimin e dokumenteve edhe për një kohë të caktuar pas përfundimit të kontratës, derisa kompania shtetërore të jetë gati për të nisur punën.

Të gjitha asetet që janë krijuar nga kompania koncensionare, si burimet njerëzore, vendet e aplikimeve dhe pajisjet e investuara ndër vite, pritet t’i kalojnë kompanisë shtetërore, kjo e parashikuar që në kontratë dhe këtu nuk përfshihet problematikat dhe amortizimi i këtyre pajisjeve.

Aktualisht, shqiptarët, për të prodhuar një pasaportë personale duhet të paguajnë 7,500 për një afat 15 ditor, ndërsa në një afat të përshpejtuar në vetëm 2 apo 3 ditë duhet të paguajnë 18,000 mijë lekë, ndërsa për prodhimin e kartës së identitetit duhen 1,500 lekë.

Me kalimin e prodhimit të këtyre dokumenteve në duar të shtetit është hedhur ideja e uljes së çmimeve, por akoma nuk ka një vendimmarrje. Duke qenë se pasaporta është dokument jo i detyrueshëm dhe mund të bëhet me dëshirë, nuk priten shumë surpriza në ulje çmimi, por një gjë e tillë mund të bëhet me kartën e identitetit, e cila është e detyrueshme për personat mbi 16 vjeç.

M.Q./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • tarrasi: 24/01/2023 15:13

    Qoft shtet qoft privat sherbimi nuk eshte se do te pesoj ndryshim, radhet e pritjes dhe korrupsioni vetem sa do te shtohen. I kemi tradite te mire

    Përgjigju
  • Papi: 16/01/2023 02:48

    Shoku Rama ju lutem koncesionin tja jepni Ben Ahmetajt se eshte lodh shume dhe ka nevoje per nje burim solid te ardhurash. Nuk dalin ineciatoret. Shikoje kete pune si di ti me pergjegjesi!

    Përgjigju
  • Ledi: 15/01/2023 19:07

    Kthimi I prodhimit te pashaportave nga konesiobari I vepri I duhur megjithese me vonese .Sa l kocensione jane dhene keto 31 vjet nga qeverite e ndryshe majtas dhe djathtas par serbine tendrtshme dhe kompani shteteror dhe kurre nuk u be nje analize ekoomiko financiare se cfar oerfitj shteti me kete model ekonomik ? Si ka mundesi te ien er sherbime keto kocensione Kur vet shteti ud ti kryente Duke arketuar miliarda leke per budgeting he m8reqenien e opullit .Doni shembull koncensioi I SGS per kontrollin evautomjeteve qe ishte I korruptuar dhe shteti NUK Mori gje pir she kontrateß NUK ju permbajt.St DPKSHT merr miliarda megjithe ulje evtarifes per kontrollin pir dhe I ka thyer pujat e kontrollin dhe zyrat lokake me nje infrastrukture me te mire seshume shtete teBE.Per Mua PPP dhe koncensiobet jane metoda ekonomike per pasurimin e pushtetareve ne kurriz te popullit qe akoma mbetet fukara megjithese ka pak ndryshim me te kaluaren .Shoresojme qe qeveriavte kthej modelin ekoomik be favour te mireqenies se popullit

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46