Një operacion i mirëorganizuar i Antidrogës së Durrësit, çoi në zbulimin dhe goditjen e një baze të rrezikshme të prodhimit të drogës sintetike, e kamufluar në formë karamelesh dhe e shpërndarë pranë shkollave të mesme, që synonte adoleshentët. Nga hetimi, laboratori i përpunimit u zbulua në Tiranë, pavarësisht se aktiviteti i paligjshëm tregtar kryhej në Durrës.

Në pranga kanë rënë dy vëllezër, Ledio dhe Rubin Lemeti, 20 dhe 25 vjeç, nga Kavaja, por me banim në Tiranë, ndërsa u shpall në kërkim bashkëpunëtori i tyre 20-vjeçar. Sipas policisë që ka kryer hetimet paraprake, të rinjtë kishin ngritur një aktivitet të avancuar për prodhimin, transportimin dhe shitjen e drogës sintetike, duke pasur target kryesor kryesisht adoleshentët, por jo vetëm.

Lënda narkotike përpunohej në formë xhelatine dhe merrte pamjen e karameleve, një mënyrë kjo sa e sofistikuar aq edhe e rrezikshme për të shmangur dyshimet nga autoritetet dhe për të joshur moshat e reja. Gjatë operacionit, pranë zonës së shkollave, policia u gjeti dhe sekuestroi 50 paketime me drogë sintetike si karamele me peshë totale 650 gramë.

Ndërkohë, në banesën e të arrestuarve në Tiranë ku u zbulua laboratori i mirëfilltë, u gjetën sasi të tjera xhelatine në formë karameleje, lëndë narkotike kanabis, 550 gramë material sintetik i gatshëm për prodhim, peshore elektronike, kallëpe plastike dhe përbërës të ndryshëm për përpunimin e drogës.

 

Hetuesit e Antidrogës së Durrësit, dyshojnë se rrjeti është më i gjerë dhe në mesin e grupit ka edhe persona të tjerë të përfshirë si bashkëpunëtorë, të cilët po hetohen nga policia.

-------------------------------

Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë

P.J/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 12 Prill, 11:12

    Dështojnë negociatat SHBA-Iran, e kujt mendoni se është përgjegjësia?

Lajme të tjera