POP 5

Lajmet më të lexuara të 5 minutave të fundit

Politikë

Programi ekonomik i PD-së, Tabaku: Do paguajmë stazhin për 10 mijë të rinj që të punësohen! Pulla fiskale e bizneseve s'do lejojë më tatimorët të shkojnë në dyert e tyre

Ish deputetja e PD-së, Jorida Tabaku sqaron se bizneset mbështeten nga programi ekonomik i PD-së, ku 100 mijë bizneset e vogla do të paguajnë një taksë vetëm 0.5% të xhiros dhe se pulla fiskale që do u jepet këtyre bizneseve nuk do të lejojë më që inspektorët e tatimeve të shkojnë në dyert e tyre. Tabaku gjithashtu tha se PD do të paguaj stazhin apo praktikat e 10 mijë të rinjve që të punësohen në bizneset private.

Ish deputetja e PD-së, Jorida Tabaku, një nga personat që ka punuar në hartimin e programit ekonomik të PD-së, shpjegon se si do të mbështeten bizneset nga ky program i demokratëve. Ajo sqaron se 100 mijë bizneset e vogla do të paguajnë një taksë vetëm 0.5% të xhiros duke përfshirë dhe të gjitha taksat dhe tarifat vendore dhe se pulla fiskale që do u jepet këtyre bizneseve nuk do të lejojë më që inspektorët e tatimeve të shkojnë në dyert e tyre. Tabaku gjithashtu tha se PD do të paguaj stazhin apo praktikat e 10 mijë të rinjve që të punësohen në bizneset private, pra biznesi nuk do të paguaj asgjë për kualifikimin e tyre.

Intervista e Jorida Tabakut nga selia blu

Si je Jorida? Çfarë përfitimesh do të kemi ne bizneset nga programi i qeverisë së Partisë Demokratike?

Jorida Tabaku: Biznesi është në qendër të programit të Partisë Demokratike, sepse ne besojmë që biznesi është motori i zhvillimit. Nuk është mirë ekonomia në qoftë se biznesi nuk është mirë.

Si do e arrini këtë?

Jorida Tabaku: Në dy mënyra: së pari, 100 mijë biznese të vogla do të paguajnë një taksë vetëm 0.5% të xhiros duke përfshirë dhe të gjitha taksat dhe tarifat vendore. Ndërkohë që pulla fiskale e vendosur në çdo biznes, nuk do të lejojë asnjë tatimor, asnjë inspektor që të shkojë në dyert e këtyre bizneseve. Për të gjitha bizneset e mëdhaja 15% tatim fitimi do të ulet në 9%. Të gjitha bizneset shqiptare përfitojnë nga kjo.

Bizneset kanë nevojë dhe për njerëz të kualifikuar apo jo?

Jorida Tabaku: Sigurisht! Për këtë arsye do të mbështesim me praktika 10,000 të rinj shqiptarë të talentuar të cilët do të shkojnë të punësohen në bizneset private, biznesi nuk do të paguaj asgjë për kualifikimin e tyre.

Shumë faleminderit Jorida!

Jorida Tabaku: Unë besoj që Shqipëria është më mirë në qoftë se qytetarët kanë më shumë para në xhepat e tyre. Për këtë arsye më 25 prill Shqipëria Fiton.

 

Disa nga pikat kryesore të programit ekonomik të PD, për të cilin Basha tha se janë dashur 2 vite për ta hartuar, është hapja e 110 mijë vendeve të punës, rritja e pagës minimale nga 30 mijë lekë në 36 mijë lekë, (edhe pse më herët kishte premtuar se do e bënte 400 euro), taksë 9% të fitimit mbi të gjitha bizneset me një xhiro vjetore mbi 14 milionë lekë të reja , totali i taksave dhe tarifave vendore i bizneseve të vogla e të mesme jo  më i lartë se 0.5% e xhiros etj.

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Eron: 31/01/2021 01:16

    Nuk jeni gjekundi me te tila propozime , sugjerime dhe ndryshime qe deshironi te beni . Taksat e ulta nuk jan celsi i celsi i suksesit per nje biznes . Po ne vendet e zhvilluara qe shkojn nga 20-80% taksat pse nuk ankohen. Do te ishte ne ndihm te biznesit nje plan i mirmenduar kombtar dhe konkretisht ; Nje studim ne te gjitha fushat e ekonomis ; ku dhe si te planifikohet zhvillim i orientuar . Shteti ka per detyr te bej master plane urbane , por paralelisht te bej dhe master plane zhvillimore orientuese biznesi ne perputhje me potencialet prodhuese apo sherbime qe mund te ket perparesi ne vende dhe rajone te ndryshme te shqipris . Ne nuk mund fantazojm zhvillimin e industris se rende , por ne fale pozicionit strategjik dhe klimes shum te mir mund te bej planifikojm , ndajm, orientojm dhe mbeshtesim prodhimin dhe zhvillimin ne bujqesi . Shteti si regullator orienton dhe krijon harten e orientuar te planifikuar te prodhimeve bujqesore . Prodhim i planifikuar per nevojat e tregut te brendshem dhe prodhim i planifikuar per eksport . 2)Shteti krijon masterplam dhe harten e zhvillimit rajonal turistik. Turizem sezonal bregdetar, sezonal domeror, dhe agro turizem gjith vjetor . Kjo industri turistike kerkon infrastruktur te zhvilluar ( rrug, drita,uje , porte, aeroporte, ) Qasja ndaj ketyre qendrave turistike te jete sa me e sigurt dhe e shpejt nga frekuentusit vendas dhe te huaj Kjo industri kerkon nje klime politike te qete te brendshme . 3) Aktualisht ka nje largim ne mas te trurit te kombit dhe jo vetem . Nuk po ikin vetem ata qe nuk gjejn nje mundesi punesimi ketu por po ikin dhe nje mas e mir e intelektualve te vendit Inxhiniera, doktora , e shum profesionist te fushave te ndryshme te punesuar apo te vetpunesuar me te ardhura te konsiderushme. 99% e studentve qe perfundojn studimet jasht nuk kthehen ne Shqipri pas perfundimit te studimeve . Ata te joshur nga standartet e jetes dhe rrogat e konsiderueshme e mundshme te perfituara nga punesimi ne vendet ku kryejn studimet , ne krahasim me vendin e origjines , ata joshen per te marr nje vendim per te mos u kthyer me ne shqipri. Si rjedhoj kerkohet urgjent marja e masave . Berja e nje plani kombetar stimulues dhe serios per te mbajtur te rinjte ne shqipri Dhe konkretisht cfar ?? Shteti pervecse administrates si mundesi punesimi (qe e ka tejmbushur me militant ) Duhet te behet ure lidhese ndermjet biznesit dhe te rinjve pun kerkues. Shteti te mar persiper sigurimet , te siguroj per nje periudh jo me pak se 12 muaj , 50% te rroges se te rinjve pun kerkues pran cdo biznesi . Per krijohet nje fond monetar kombetar ne mbeshtetje te gjith te rinje qe kan nje plan dhe ide biznesi . Dhe me konkretisht shume vende te zhvilluara garantojn suvesjonimin deri ne 80% te investimit . Kredi deri ne 100/100 % te vleres se investimit me 0 % interes . Perjashtimi nga taksat per nje periudh 2-5 vjet ne varesi te modelit te biznesit . Nje ide shum praktike do te ishte dhe nje ortakeri 50/50 % , 30/70% midis shtetit dhe sipermarsit , do te krijonte siguri , garanci , besunshmeri , per bizneset e reja me bizneset me potenciale me te medha vendase dhe nderkombetare . Ka dhe shum projekt ide tjera qe mund te planifikohen nese ketu duan te ndezin perseri motoret e ekonomis shqiptare .

    Përgjigju
  • tosi: 30/01/2021 20:53

    Po kjo Tabakhonja e shqupit eshte ne enderr. Tatimoret nuk shkojne me moj syneperke tek dyqanet, apo po hedh helmin e radhes. E pe sondazhin tek Piepoli 34 % kap pd ja dhe 1.2% mer Doktoresha horoskopike fallxhorja e leshelise, ne opozite dhe 4 vjet ,shpifni sa te mundeni, Nafije dybeku i leshelise ne grope septike

    Përgjigju
  • zara: 30/01/2021 20:35

    Po tatimorët kanë kohë që nuk shkojnë te dera e ndokujt. Herët jeni kujtuar, harruat si ja morët shpirtin njerëzve duke ju kërkuar gjobë, tani secili bën regjistrimin dhe paguan taksat se e dinë se kështu bëhet në kapitalizëm, regjistrojnë bizneset direkt në internet e s'kanë nevojë të shkojnë tek Argita për të lënrë 3 %. Aman se na hapër barkun, pa program, pa llogari se ku do merren paratë. Popull mos i besoni gënjeshtrave të tyre, dihet botërisht se të mjatët mbledhin para për të rindërtuar ndërsa të djathtët i shpenzojnë për të pasuruar të pasurit e Lalëzit.

    Përgjigju
    • robi: 31/01/2021 07:22

      E po si u ndertua vila me 18 dhoma dhe 15 banjo ne Lalez , ku dhe Sasha macja nenkryetare e leshelise ka dhome gjumi dhe banjo

    • Endri: 30/01/2021 20:43

      E sakte. Programi Lulit eshte kap ça te kapesh!

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Jubileu 2025, Papa Françesku hap derën e shenjtë në burg

Jubileu 2025, Papa Françesku hap derën e shenjtë në burg

26 Dhjetor, 14:42