LSI ka miratuar dje në mbledhjen e Kryesisë drejtuesit e komisioneve të saj, që do të ndërtojnë programin elektoral për zgjedhjet e 18 qershorit.

Meta ka evidentuar kështu njerëzit më të besuar në partinë e tij për secilin sektor, duke projektuar kështu “qeverinë hije” brenda partisë së tij. ajo që bie në sy është promovimi i emrave të rinj, profesionistë të fushave përkatëse, sikundërse forcojnë pozicionet e tyre Vangjel Tavo e Silva Caka, ndërsa rikonfirmohet Përparim Spahiu, për të cilin kishin ngelur disa hije dyshimi pas “përjashtimit” që Meta i bëri nga grupi parlamentar për shkak të një deklarate kundër OMN-së për reformën në drejtësi.  

Gjatë mbledhjes u diskutua edhe për rifillimin e punës së komisioneve në Lëvizjen Socialiste për Integrim.  Kryesia e Lëvizjes Socialiste për Integrim miratoi kryetarët e Komisioneve pranë Komitetit Drejtues Kombëtar.

Sipas vendimit të marrë nga Kryesia e Lëvizjes Socialiste për Integrim, kryetarët e 16 komisioneve së bashku me anëtarësinë përkatës do të fillojnë hartimin e programit elektoral për zgjedhjet e përgjithshme parlamentare të 18 qershorit 2017, por edhe për të analizuar punën e deritanishme në këto sektor.
 
 
Kryetarët e komisioneve të LSI-së
1.  Komisioni i Çështjeve Ligjore Erisa Xhixho
2.  Komisioni i Çështjeve të Integrimit Kejdi Mehmetaj
3.  Komisioni i Çështjeve të të Drejtave të Njeriut Thanas Poçi
4. Komisioni i Politikës së Jashtme Arben Cici
5.  Komisioni i Sigurisë Kombëtare Bahri Shaqiri
6.  Komisioni i Strategjisë së Zhvillimit Ekonomik Majlind Lazimi
7.  Komisioni i Bujqësisë Luigj Turmalaj
8.  Komisioni i Turizmit Ralf Gjoni
9.  Komisioni i Mjedisit Ardit Çela
10.        Komisioni i Infrastrukturës Përparim Spahiu
11.        Komisioni i Energjetikës Adela Shera Karapici
12.        Komisioni i Arsimit dhe Kërkimit Shkencor Jorgaq Kacani
13.        Komisioni i Shëndetësisë Vangjel Tavo
14.        Komisioni i Mirëqenies Sociale, Gruas dhe Familjes Silva Caka
15.        Komisioni i Kulturës, Rinisë dhe Sporteve Armando Bora
16.        Komisioni për Marrëdhëniet me Mediat Linda Karadaku


dy.b/shqiptarja.com