Programi i Kombeve të Bashkuara për Zhvillim: Selia jonë në Gaza është bombarduar, raportohet për disa viktima dhe të plagosur

Selia në Gaza e UNDP para bormbardimeve

Programi i Kombeve të Bashkuara për Zhvillim (UNDP) raportoi se selia e saj në Gaza u bombardua mbrëmë dhe pati disa të vdekur dhe të plagosur. 

UNDP deklaroi se ishte "thellësisht i shqetësuar nga raportet paraprake për bombardimin e kompleksit të OKB-së në qytetin e Gazës, të cilin Programi i Ndihmës së Popullit Palestinez i UNDP-së e menaxhoi deri më 13 tetor, kur stafi i OKB-së u largua nga struktura". 

“Bombardimi thuhet se rezultoi në një numër të konsiderueshëm vdekjesh dhe plagosjesh. Më 6 nëntor, UNDP raportoi se disa qindra njerëz që kërkonin strehim kishin hyrë në kompleks dhe ka indikacione se ky numër është rritur ndjeshëm që atëherë", tha UNDP në një deklaratë, duke nënvizuar se "tragjedia e vazhdueshme e vdekjeve dhe plagosjeve midis civilëve të bllokuar në ky konflikt është i papranueshëm dhe duhet të ndalet”. 

LEXO EDHE:
Wafa: Gjashtë palestinezë të vrarë në Jenin, 10 të plagosur

Po ashtu në deklaratë thuhet se e drejta ndërkombëtare humanitare, duke përfshirë parimet e dallimit, proporcionalitetit dhe masës paraprake, duhet të respektohet.

“Civilët, infrastruktura civile dhe paprekshmëria e strukturave të Kombeve të Bashkuara duhet të respektohen dhe mbrohen në çdo kohë. E drejta ndërkombëtare humanitare, duke përfshirë parimet e dallimit, proporcionalitetit dhe masës paraprake, duhet të respektohet”, tha UNDP.

Lajmi kryesor:

Lufta/ OBSH: Spitali Al-Shifa në Gaza nuk është më funksional! Netanyahu: Jemi të hapur për marrëveshje mbi lirimin e pengjeve

S.S/Shqiptarja.com

TAG:
• Izrael
• Hamas
• Palestine