POP 5

Lajmet më të lexuara të 5 minutave të fundit

Ekonomi

Programi i PS-së për mandatin e tretë! Paga minimale 325 nga 243 euro, renditemi të 3-t në rajon krahasuar me rrogat aktuale, fqinjët tatojnë progresivisht

Paga minimale në 4 vitet e ardhshme sipas PS do të arrij në 325 euro. Me këtë nivel Shqipëria mund të renditet e treta në raport me vendet fqinje për pagën më të lartë. Edhe sa i takon taksimit të punës, qeveria po shkon në të njëjtën linjë me pothuajse të gjitha vendet e rajonit.

Nëse socialistët do të vazhdojnë të qeverisin edhe për katër vitet e ardhshme, paga minimale në vend do të arrij në 325 euro, (nga 243 euro që është aktualisht) aq sa është edhe ne Maqedoninë e Veriut. Ndërkohë propozimi i PD-së për pagën minimale në vend është 292 euro në muaj.

Me rritjen sipas programit të PS, Shqipëria renditet e treta në rajon për nivelin e lartë të pagës minimale, që shtetet fqinje kanë aktualisht. Në krye të listës është Serbia për pagën minimale 344 euro, më pas Mali i Zi me 331 euro dhe vijojmë ne. Në rajon vendi me pagën më të ulët minimale është Kosova, me 170 euro.

Nga ana tjetër edhe taksimi i punës në mënyrë progresiv nga qeveria është në qendër të vëmendjes dhe i sulmuar si i padrejtë nga opozita. Por teksa opozita këmbëngul në taksën e sheshtë 9% në çdo drejtim, thuajse të gjitha vendet e rajonit të ardhurat personale tatohen në mënyrë progresive.

Konkretisht propozimi i socialistëve është për të vijuar me taksën progresive me tre fasha, ku pagat nga 0-325 euro të mos tatohen, pagat nga mbi 325-2033 euro të tatohen 13% dhe mbi 2033 euro të tatohen 23%.

Por si tatohet e ardhura nga puna në rajon?

Në Kosovë zbatohen 4 fasha tatimi mbi pagën. Ata që marrin deri në 80 euro nuk paguajnë tatim, më pas ata që paguhen mbi 80 deri në 250 euro tatohen 4%, grupi tjetër 250-450 euro me tatim 8% dhe pjesa tjetër me paga mbi 450 euro e kanë tatimin 10%.

Ndërsa Maqedonia e Veriut ka 2 fasha tatimi. Për rrogat deri në 1500 euro tatimi është 10%, dhe mbi këtë nivel është 15% tatimi mbi të ardhurat personale.  Norma më e lartë e tatimit progresiv mbi pagat aplikohet në Serbi, që për rrogat zbaton dy fasha 10-25% tatim. Po ashtu edhe Mali i Zi zbaton progresivitetin në paga.

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'

Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'

25 Dhjetor, 18:54