Nxënësit e shkollës 9-vjeçare “3 Dëshmorët” në Vloçisht të Maliqit janë bërë pjesë e programit “Toka në Shkollë”, duke punuar për krijimin e një hapësire të gjelbër brenda mjediseve të shkollës.

Kryeministri Edi Rama publikoi në rrjetet sociale momente nga puna e fëmijëve në kopshtin e ngritur në shkollë, ku bashkë me mësuesen e biologjisë po përgatisin parcelën për mbjellje.

Në pamjet e ndara nga Rama, nxënësit shihen teksa angazhohen në përgatitjen e tokës dhe kujdesin për parcelën e shkollës, një hapësirë që synon të shndërrohet në një mini-kopsht të gjelbër për aktivitetet mësimore.

Programi “Toka në Shkollë” është një nismë e Ministrisë së Arsimit dhe Sportit që po zbatohet në shkolla në mbarë vendin. Përmes këtij programi, nxënësit përfshihen në aktivitete praktike që lidhen me kultivimin e tokës dhe prodhimin bujqësor.

Nëpërmjet mikrofermave dhe miniserave të ngritura në mjediset e shkollave, programi synon t’i afrojë fëmijët me natyrën, të zhvillojë aftësitë praktike dhe të rrisë ndërgjegjësimin për mbrojtjen e mjedisit dhe ushqyerjen e shëndetshme.

U.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 4 Mars, 15:34

    Ambasada e SHBA thirrje kundër dhunës në protesta politike, a jeni dakord?

Lajme të tjera