POP 5

Lajmet më të lexuara të 5 minutave të fundit

Sociale

Projektbuxheti 2023/ 10,4 mld lekë për Universitetet! Debate te ‘Edukimi’: Buxheti s’përfshin rritjen e pagave 7%! Rektorët: Rritja 8% nga financat tona, e vështirë

Buxheti i vitit 2023 parashikon 10.4 miliardë lekë për universitetet, 1 miliard lekë më shumë se vitin e kaluar. Rektorët e cilësuan shifrën të papërfillshme për një trajtim dinjitoz të pedagogëve, ndërsa kritikuan mungesën e zërit për rritje page 7%

Rreth 1 miliard lekë më shumë se vitin e kaluar, pritet të jetë buxheti për universitetet publike në vend, pa përfshirë këtu rritjen prej 7% për pagat e pedagogëve.

‘Është rritje në sensin pozitiv të fjalës, sepse më shumë jemi mësuar me ulje sesa me rritje, por për ne konsiderohet e pamjaftueshme.’- tha rektori Artan Hoxha.

Rektori i Universitetit të Tiranës Artan Hoxha, por dhe rektorët e universiteteve të tjera në komisionin e edukimit u shprehën të pakënaqur me buxhetin e arsimit të lartë duke përmendur punët e parealizuara nga mosalokimi i fondeve.

‘Ka shumë vite që flitet për kampusin e Tiranës, sot është pa një kampus universitar. E projektojmë një herë, dy apo tre here, por nuk ka buxhet të parashikuar për fillimin e punës.’-tha rektori i UT, Artan Hoxha.

‘Unë kam kampus, por e bukura është se atë kampus nuk e përdorin vetëm studentët e rinj , atë kampus e përdor gjithë lagjia , por koston për pastrim, kostot për rrugët e brendshme, për plehrat, ujërat e zeza i paguaj unë vetë me të ardhurat e studentëve.’ - tha rektori i UBT, Fatbardh Sallaku.

‘Ne kemi dy godina jashtë funksionit nga tërmeti. Kjo humbja e kohës u kushton studentëve që ndonjëherë duhet të ulen dhe në shkallë se s’kanë vend tamam për t’u ulur në banka.’- u shpreh Arben Gjata, rektor në Universitetin e Mjekësisë.

Diskutime pati edhe për rriten me 8% e pagës së stafit akademik nga financat e vetë universiteteve, gjë që sipas rektorëve është e vështirë të realizohet.

‘VKM e fundit na obligon për shtimin 8% të pagesë që është normalisht nga të ardhurat. Unë jam ajo kategori rektori që them që edhe unë dua t’ua shtoj pagën mbi 30% . Në qoftë se do bëhet kjo ndarja 8% për të gjithë, unë kam programe që I km pa student, ose me 5 student, ose me 10 student , i bie të marrin 0 nga kontributi i këtyre.’- tha Sallaku, rektor i UBT.

Në total, është parashikuar që për universitetet të jenë në dispozicion 10.4 miliard lekë.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gilda: 29/10/2022 11:58

    A e mbajtet gojen mbyllur kur u ngriten pedagoget? Turp t'ju vije.

    Përgjigju
  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

VIDEO-LAJM/ Uzuni përshëndet me postim fansat e ekipit të ri Austin në spanjisht: Shihemi së shpejti në stadium!

VIDEO-LAJM/ Uzuni përshëndet me postim fansat e ekipit të ri Austin në spanjisht: Shihemi së shpejti në stadium!

24 Janar, 20:34