Projekti i dhëndrit të Trump në Sazan, Rama: Zhurma në media, reklamë që s’e paguan dot me miliona! Bën dhe një 'mea culpa'

Një super reklamë që s’e paguan dot me miliona i konsideroi Kryeministri Rama  lajmet në mediat ndërkombëtare për investimin e mundshëm të Jared Kushner, dhëndri i ish-presidentit Trump në ishullin e Sazanit. Në podcast Rama tha se turizmi në vend po arrin një nivel të paimagjinueshëm. Rama bëri dhe një mea culpa ku pranon se janë harxhuar lekë për ti bërë reklamë Shqipërisë në mediat e huaja por nuk kanë pasur efektin që pati jehona e projektit të Kushner. 

“Miku im amerkan më mori e më tha është e vërtetë. Ore dhe po nuk erdhën. Zhurma që është bërë në media dhe fama që kanë ata do të sjellë shumë  njerëz. Të gjitha këto nuk i paguan dot me miliona reklamë. Sepse nuk je ti që çon një reklamë siç patëm bërë dikur reklama ‘Shqipëria, Shqipëria!’ Harxho lekë kot! Mbi të gjitha një investim I tillë në Sazan ose investime të tilla fuqizojnë të gjithë" 

LEXO EDHE:
Rama mbledh të martën deputetët dhe ministrat në Kryesinë e Kuvendit! Porosia: Të mos ketë mungesa

Në Episodin e 9-të, të Podkastit FLASIM, të titulluar “Zogj të Shqipërisë turistike”, Rama kishte ftuar një grup të rinjsh që shërbejnë në pikat agroturistike më të frekuentuara në vend.

Lajmi kryesor:

'Sazani, ishulli ku mund të shkruajmë kartëvizitën e Shqipërisë në Mesdhe!' Rama: Projekti i dhëndrit të Trump, serioz

S.G/Shqiptarja.com

TAG:
• resorte ne sazan
• edi rama
• Jared Kushner
• podcast