POP 5

Lajmet më të lexuara të 5 minutave të fundit

Sociale

Projektligji/ Emigrantët të deklarojnë adresën për çdo banesë në pronësi brenda 6 muajve, nëse refuzojnë s'marrin shërbime të gjendjes civile

Emigrantët me qëndrim të rregullt të pajisur me leje qëndrimi apo të pajisur me shtetësi të huaj që nuk deklarojnë adresën e banimit nuk do të përfitojnë shërbim nga gjendja civile. Konkretisht, në nenin 4, të projektligjit parashikohet detyrimi i shtetasve shqiptarë për deklarimin e adresës së çdo banese që kanë në pronësi brenda ose jashtë vendit, brenda 6 muajve nga hyrja në fuqi e ligjit duke zgjedhur ndër to vendbanimin e tij.

Në projektligjin e hartuar nga ministria e Brendshme që është hedhur për konsultim publik parashikohet që emigrantët me qëndrim të rregullt të pajisur me leje qëndrimi apo të pajisur me shtetësi të huaj që nuk deklarojnë adresën e banimit nuk do të përfitojnë shërbim nga gjendja civile.

Afati për deklarimin e të gjitha adresave të banesave në pronësi të tyre, duke përcaktuar vendbanimin e tij është deri 6 muaj pas hyrjeve në fuqi të ndryshimeve ligjore. Ndryshimet janë parashikuar në projektligjin “Për disa shtesa dhe ndryshime në ligjin nr.10129, datë 11.5.2009 “Për gjendjen civile”, të ndryshuar”” i publikuar te konsultimet publike.

"Shtetasit kanë detyrimin që të deklarojnë adresën e çdo banese që kanë në pronësi brenda ose jashtë vendit brenda 6 (gjashtë) muajve nga hyrja në fuqi e këtij ligji duke zgjedhur ndër to vendbanimin e tij. 2. Shërbimi i gjendjes civile ofrohet për shtetasit pasi të respektojnë detyrimin e mësipërm", thuhet në nenin 4, të projektligjit ku parashikohet ndryshimi i dispozitës për nenin 14 të ligjit “Deklarimi i vendbanimit”.

Sipas këtij formulimi përcaktohet detyrimi i shtetasve për deklarimin e të gjitha adresave të banesave në pronësi të tyre, për të cilat duhet të përcaktojë vendbanimin e tij. 

Sipas pikës 2 të dispozitës së propozuar përcaktohet se shërbimi i gjendjes civile do të ofrohet për shtetasit pasi të respektojnë detyrimin e mësipërm, duke parashikuar si kusht detyrimin për të deklaruar adresën e çdo banese në pronësi të tyre sipas ligjit për adresat.

Regjistrimi fillestar i vendbanimit sipas nenit 5 të projektligjit do të bëhet në zyrën e gjendjes civile të njësisë administrative që ka në juridiksion territorial banesën e deklaruar si vendbanim, duke përcaktuar njëkohësisht se shtetasi nuk mund të deklarojë më shumë se një vendbanim.

(Kliko këtu për të lexuar projektligjin)

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Shqipe: 19/11/2023 08:20

    Shushunjat e Shqipërisë pasi e degdisën në 33 vjet 3/4 e popullatës jashtë dhe nuk kanë lëne asgjë aty brenda pa vjedhur. E kanë kuptuar që Shqiptarët nuk dërgojnë më lek pa mas dhe u versulen atje ku jetojnë me fushata elektorale,me filma etj etj.përse e shtynë rregjistrimin e popullatës me 3 javë se nuk ju besojnë numrave nuk ka ngelur kush me numëruar dhe po i numërojnë nga dy her do jete interesante të shikojmë kur të dalin statistikat.përse duhet ti japim të dhënat që pastaj të dalin në faqet ruse e Iraniane apo ju duhet spiunve të partisë për shantazhimin e votës në 2025 në djallë vavfshi me gjithë adresa se kur q,ka mu ba skeni atyre me nënshtetësi të huaja.

    Përgjigju
  • Iris: 17/11/2023 01:44

    UP YOU ! Ju nuk me jepni te drejten e votes si emigrant dhe nga ana tjeter me kercenoni se po nuk dhashe adresen,nuk me jepni sherbime?! Ne fakt ju dhe ne i kemi lare duart me njeri-tjetrin.Sa kohe ju nuk na respektoni te drejtat tona,as ne nuk do te cajme koke per kerkesat tuaja.Paraardhesve tane qe kane punuar ne Shqiperi dhe mund te mos u jepni sherbime,por gjenerates sone qe nuk kemi punuar asnje dite aty,qe kemi marre shtetesi te huaja dhe gjeneratat pas nesh qe kane lindur jashte,nuk i fusni dot ne rrjete.Doni adresa-na jepni te drejten e votes!

    Përgjigju
  • Anglezja: 17/11/2023 01:24

    Se mos te kane sherbyer deri tani!!! Ka dy vjet qe sorrollatem per te rregjistruar femijen! Nuk pranohet me dy mbiemra dhe kur ju kerkon se ne cfare ligji apo vendimi e bazojme nuk dine te pergjigjen.

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

El Clasico në finalen e Superkupës, Ancelotti: Na duhet ky trofe! Flick: Sfidë e madhe, Barça gati

El Clasico në finalen e Superkupës, Ancelotti: Na duhet ky trofe! Flick: Sfidë e madhe, Barça gati

11 Janar, 22:59