Veç dekoratave, qeveria shqiptare ka përgatitur një projektligj të ri që do të rregullojë edhe titujt e nderit kombëtare dhe vendor. Sipas kësaj nisme, parashikohet ndarje dhe dallim mes “titujve të nderit” nga “dekoratat”, të cilat janë propozuar të rregullohen nëpërmjet një projektligji tjetër, që i është propozuar Kuvendit për shqyrtim në muajin korrik.
Sipas relacionit, kjo nismë diferencuese ndërmerret duke mbajtur në konsideratë rregullimet ligjore të kësaj fushe të vendeve evropiane, kryesisht modelin italian dhe francez dhe kanë të bëjnë edhe me ripërcaktimin e rregullave dhe të procedurës përkatëse për dhënien e titujve të nderit. Ndryshe nga ligji në fuqi, ky projektligj parashikon se dhënia e titullit të nderit apo titullit vendor të nderit nuk shoqërohet me shpërblim financiar. Ligji në fuqi, i vitit 2013, parashikon se se dhënia e dekoratave, titujve të nderit, medaljeve dhe titujve vendorë të nderit mund shoqërohet me një shpërblim financiar, sipas vlerësimit të autoritetit përgjegjës.
Projektligji parashikon dy llojet të titujve të nderit në nivel kombëtar: titulli Ambasador i kombit, i cili i jepet shtetasve shqiptarë ose pjesëtarëve të diasporës, në shenjë mirënjohje për veprimtari, kontribute dhe merita të spikatura e të qëndrueshme, që lartësojnë vlerën dhe figurën e kombit shqiptar; si dhe titulli Qytetar nderi i Republikës së Shqipërisë, i cili i jepet shtetasve të huaj në shenjë mirënjohje për veprimtari, kontribute dhe merita të spikatura në shërbim të kombit e shtetit shqiptar dhe të forcimit të shoqërisë demokratike, brenda dhe jashtë vendit.
Në nivel vendor, titulli i parashikuar me ligj është vetëm Qytetar nderi, i cili jepet nga këshilli bashkiak për veprimtari të shquar brenda juridiksionit dhe në dobi të bashkisë ose për veprimtari për mbrojtjen dhe promovimin e interesave të komunitetit brenda territorit të bashkisë. Sipas projektligjit, ky titull nderi i jepet në çdo rast edhe personaliteteve të huaja të nivelit të lartë që vizitojnë një bashki në kuadër të një vizite zyrtare ose shtetërore.
Krahas tij, projektligji parashikon mundësinë e Bashkive për të krijuar tituj të vecantë vendorë nderi (jo më shumë se dy në një vit kalendarik), për të shprehur mirënjohjen e posaçme për veprimtarinë e shquar në dobi të komunitetit të saj.
Në të njëjtën linjë, me qëllimin për të moslejuar krjimin dhe dhënien në mënyrë të pajustifikuar të këtyre titujve, parashikohet se në vendimin e krijimit, Njësia vendore duhet të argumentojë nevojën për nderimin e veçantë, arsyen përse nderimi me titullin qytetar nderi, nuk është i përshtatshëm dhe i mjaftueshëm dhe emërtesën e titullit të veçantë vendor të nderit i cili përkon me një datë ose ngjarje të shënuar në territorin e njësisë së vetëqeverisjes vendore.
Për titujt kombëtarë, nisma për dhënien e titujve të nderit i përket Presidentit të Republikës, i cili e ushtron kryesisht, ose me propozim të Kryetarit të Kuvendit, ose Kryeministrit. Ndërsa në rastin e titujve vendorë e drejta e propozimit i përket kryetarit të bashkisë, si dhe çdo anëtari të këshillit bashkiak. Projektligji parashikon, ndryshe nga ligji ekzistues, edhe mundësinë e kërkesës për ushtrimin e propozimit, që mund të paraqitet nga qytetarët drejtuar institucioneve, në favor të një personi të tretë treti./Monitor
Lajme të tjera
-
Moratoriumi nuk do rinovohet më? Qeveria bën gati ligjin e ri/ Zonat për gjueti do jepen me qira, test për gjuetarët e gjobë deri 1.3 mln lekë
4 Dhjetor, 16:40
-
Statusi i minatorit, PD dorëzon në Kuvend projektligjin: Paga jo më e vogël se dyfishi i minimales! Pensioni i parakohshëm dhe kompensimi për aksidentet
31 Tetor, 15:05 -
Opozita vijon 'mosbindjen civile' në Kuvend! Të përjashtuarit përplasen me gardën, karriget jashtë, këmbëkryq në oborr! Të tjerë bllokojnë foltoren!
31 Tetor, 08:01 -
Qeveria ‘blindon’ kufirin! Foto e video qytetarëve, sistem për të kapur nëse janë kriminelë
21 Gusht, 13:25
-
Ndryshimet në ligjin për komisionet hetimore, nisin të hënën diskutimet! 3 nisma në Kuvend, PS kërkon 'objekt të qartë'! Tabaku e Spaho lehtësi për opozitën
17 Dhjetor 2023, 13:35
-
'Vetingu në politikë' Report Tv zbardh pr/ligjin e PD! Propozon ndryshimin e ligjit që filtron pasuritë e politikanëve! ‘Hetimi’ pasuror me organ kolegjial
8 Nëntor 2023, 21:07
-
Pr/ligji i ri: Hetim familjarëve të të dënuarve dhe në shërbim prove
29 Janar 2023, 16:02 -
Arti në kohën e komunizmit dhe mallkimi shkatërrues në PD
13 Shtator 2022, 17:19
-
Partia e Lirisë depoziton në Kuvend nismën për indeksimin e pagave: Paga minimale të rritet çdo vit
7 Shtator 2022, 17:29 -
Projektligji i ri për prokurimet/ APP: Zgjidh konfliktet e interesit, nuk lejohen të jenë pjesë e së njëjtës garë burrë e grua
12 Nëntor 2020, 17:22
-
Pr.ligj për rritjen e startup-eve/ Sipërmarrësit e rinj nuk do paguajnë taksa vendore e tatim fitim, grante për 24 muaj
3 Nëntor 2020, 16:04
-
Projektligj për pakicat kombëtare, akademiku: S’ka më vend për minoritete të tjera!
24 Qershor 2020, 17:22
