POP 5

Lajmet më të lexuara të 5 minutave të fundit

Ekonomi

Jo vetëm në kohë lufte! Për herë të parë, rezervat shtetërore do aktivizohen edhe në kohë krize çmimesh

Krizat e inflacionit do të përballohen edhe duke përdorur rezervën shtetërore. Në projektligjin e depozituar në Kuvend nga qeveria thuhet se rezerva ku përfshihen ushqime, veshje apo karburant do të përdoret përveç kohës së luftës apo ndonjë gjendje të jashtëzakonshme edhe kur ka krizë inflacioni.

Jo vetëm në kohë lufte, emergjence natyrore apo gjendjeje të jashtëzakonshme, por edhe në kohë krize çmimesh do të aktivizohet rezerva shtetërore.

Projektligji i depozituar në Kuvend “Për Rezervat Materiale të Shtetit”, thuhet se rezervat krijohet për të mbrojtur popullsinë dhe ekonominë në situata të gjendjes së luftës, gjendjes së jashtëzakonshme, fatkeqësisë natyrore e fatkeqësive të tjera, veprimeve terroriste apo në rast të çrregullimit të tregut. Ndërsa në ligjin aktual të rezervave ‘kriza e inflacioni’ nuk është e parashikuar si situatë ku mund të aktivizohet rezerva e shtetit.

Ky vendim i qeverisë vjen 3 vite pasi vendi u përball me inflacion të lartë dhe me vështirësi për të siguruar mallra nga jashtë siç ishte rasti i energjisë elektrike, grurit, vajit e produkteve të tjera, shkaktuar prej luftës në Ukrainë.

Fondet për krijimin e rezervave materiale të shtetit do të përballohen me fonde të buxhetit të shtetit, donacione dhe burime të tjera të ligjshme thuhet në nenin 5 të projektligjit. Sasia e rezervave ushqimore, veshjeve, karburantit etj do të përcaktohet përmes një ‘Plani Strategjik Afatmesëm të Rezervave Materiale të Shtetit’, që miratohet me vendim të Këshillit të Ministrave dhe rishikohet çdo 3 vjet.

Për të përcaktuar sasinë minimale apo maksimale të mallrave që do të jenë pjesë e rezervës në konsideratë do të merret edhe numri i popullsisë dhe lëvizjet demografike. Ky ndryshim bëhet për shkak të tkurrjes së numrit të popullsisë me 400 mijë banorë nga viti 2011 sipas rezultateve të censit, dhe rezerva duhet t’i përgjigjet numrit të ri të popullsisë prej 2.4 milionë banorësh.

Pas miratimit të këtij projektligji në Kuvend, pas 17 vitesh në fuqi do të shfuqizohet ligji aktual “Për Rezervat Materiale të Shtetit’.

G.M./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Mars, 17:55

    Kualifikueset e Botërorit, si e parashikoni Shqipëri-Andorra?

Lajme të tjera



×

Lajmi i fundit

Institucionet dhe Bashkitë kanë 7,3 mld lekë të prapambetura borxhe! Ministria e Infrastrukturës bën investime por nuk paguan

Institucionet dhe Bashkitë kanë 7,3 mld lekë të prapambetura borxhe! Ministria e Infrastrukturës bën investime por nuk paguan

24 Mars, 19:36 nga Eliza Gjediku