POP 5

Lajmet më të lexuara të 5 minutave të fundit

Politikë

Stoku në Apel, PS kërkon të 'shpluhurosë' dosjet: Të shqyrtohen nga 1, jo 3 gjyqtarë (por duhet 84 vota)

Gjykata e Apelit e ka nisur vitin me 41 711 çështje në dorë. Mazhoranca po synon ta zgjidhë këtë problem përmes ndryshimit të 5 ligjeve, që lejojnë gjykimet në shkallë të dytë më disa raste me vetëm 1 gjyqtar, e jo tre. Por miratimi i kësaj pakete ndryshimesh, kërkon 84 vota, e qëndrimi i opozitës nuk është i qartë.

Stoku në Apel, PS kërkon të 'shpluhurosë' dosjet: Të shqyrtohen nga 1, jo 3 gjyqtarë (por duhet 84 vota)

Foto ilustruese

Mazhoranca socialiste propozon zyrtarisht ndryshimin e 5 ligjeve në drejtësi, me qëllim uljen e pirgut të dosjeve që presin prej vitesh shqyrtimin në Apel. Por miratimi i nismave të depozituara nga kryetarja e komisionit të ligjeve, Klotilda Bushka, kërkon 84 vota, që PS nuk i ka e vetme, të paktën jo në këtë parlament.

Më saktësisht, deputetja socialiste kërkon ndryshimin e Kodit të Procedurës Civile, Kodin e Procedurës Penale, Ligjin për organizimin dhe funksionimin e pushtetit gjyqësor, ligjit për organet e qeverisjes së sistemit të drejtësisë, dhe ligjin për gjykatat administrative.

Sipas propozimit, disa prej çështjeve në apel, të juridiksionit të përgjithshëm ose në apelin administrativ, të mos trajtohen detyrimisht nga një trupë me 3 gjyqtarë, por nga një gjyqtar i vetëm.

Në këtë formë, dosjet do të trajtohen me më shumë ritëm, dhe do të ulet stoku i pritjeve.

Vetëm gjykata e apelit e juridiksionit të përgjithshëm ka tani në dorë 41 711 dosje.

Hedhja e këtyre drafteve në regjistrin zyrtar të Kuvendit më pak se 4 muaj lag zgjedhjeve, e bën të paqartë perspektivën se si mund të votohen ato në kushtet kur duhen dhe votat e opozitës, e cila 11 majin e sheh si ditën e rrëzimit të kësaj qeverie

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Po transportonte 10 kilogramë kanabis, arrestohet në flagrancë një person te mbikalimi i Shkozës 

Po transportonte 10 kilogramë kanabis, arrestohet në flagrancë një person te mbikalimi i Shkozës 

15 Janar, 17:23