POP 5

Lajmet më të lexuara të 5 minutave të fundit

Kultura

Projektligji për Akademinë, Gjinushi: Në prag të anëtarësimit, shkenca duhet të jetë në standardet e BE

Nisi sot diskutimi për Projektligjin për reformimin e Akademisë së Shkencave në Komisionin e Medias dhe Edukimit. Akademiku Skënder Gjinushi shpjegoi risitë që sjell ky projektligj për institucionin, por edhe për rolin që do të luajë në kërkimet shkencore.

Kanë nisur sot shqyrtimi i projektligjit për Reformën në Akademinë e Shkencave në komisionin e Medias dhe Edukimit. Risitë e këtij projektligji, që është dorëzuar në qeveri para një viti, i shpjegoi akademiku Skënder Gjinushi. Sipas tij, ky reformim i Akademisë së Shkencave vjen pas një presioni të bërë nga opinioni publikë, por edhe i qeverisë shqiptare.

“Kjo reformë kërkohet, pasi edhe vet kërkimi shkencor në vend është para një reformimi thelbësor të vetin. Tashmë jemi në periudhën, që meqenëse jemi në prag të anëtarësimit në BE edhe shkenca të jetë në nivelin edhe në standardet e BE-së”, shprehet akademiku Skënder Gjinushi.

Gjinushi më tej shpjegon se anëtarësimet në Akademinë e Shkencave nuk janë më atribut vetëm i asamblesë.

 “Riformulohet vet modeli i akademisë, me një asamble që ka rol promovues, por pranë saj mund të ngrihet edhe një qendër kërkimi. Projektligji i jep rëndësi edhe marrëdhënies së akademisë me qeverinë edhe kuvendin, si një organ këshillimor, që duhet të dijë të bëjë që të dëgjohet, por edhe të ketë një urë bashkëpunimi me akademinë e dhe kuvendin”, shpjegon më tej Gjinushi.

Deputetet e pranishme kërkuan edhe që të mësojnë më shumë për kontributin e këtij institucioni në thithjen e trurit, por edhe në zhvillimin e kërkimeve shkencore në vend.

 “Me bërjen e ligjit të ri të shkencës patjetër që duhet të harmonizuar projektligji i shkencës me atë të akademisë”.

Ndërsa, deputetja e PS-së, Eglantina Gjermeni, sugjeroi që Akademia e Shkencave të mos jetë vetëm honorifike, por edhe të kontribuoj në nivelin e kërkimit shkencor në Shqipëri.

Gjatë ditëve në vazhdim projektligji i Akademisë së Shkencave do të diskutohet edhe me grupet e tjera të interesit, siç janë institutet apo universitetet.

/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

Mero Baze: Gjunjëzimi i PD para 'Kandidatit për Kryeministër'

Mero Baze: Gjunjëzimi i PD para 'Kandidatit për Kryeministër'

5 Shkurt, 23:02 nga Mero Baze