Prokurori i Përgjithshëm Çela: Harta e re gjyqësore, urgjente! Duhet të marrim masa drastike të amortizojmë vakancat në sistem

Prokurori i Përgjithshëm Olsjan Çela tha se harta e re gjyqësore është urgjente, dhe se duhet një plan afatmesëm që të amortizohen vakancat në sistemin e drejtësisë.

“Ne patëm një takim dje. Ka qenë një shqetësim që e kam paraqitur dhe në takimet e tjera, urgjencën e ndërmarrjes së një harte të re gjyqësore. Mendojmë se në një plan afatmesëm do arrijë të amortizojë vakancat e shumta në sistem. Kjo do të thotë se ne duhet të marrim masa drastike. Kjo masë nuk do të jetë e vetme. Do të merren masa edhe sa i përket funksionimit të shkollës së magjistraturës. Rigrupimi i prokurorive mendojmë se do të krijojë një shpërndarje më të drejtë të punës mes prokurorëve, si dhe një ngarkesë të përballueshme. Por prurjet e reja janë çelësi i zgjidhjes. Ne kemi kërkuar nga ILD deri tani inspektimin e 6 prokurorëve. Di që ka nisur procedimi për disa nga rastet”, u shpreh kryeprokurori.

LEXO EDHE:
KLGJ rrëzon kërkesën e ILD për shkarkimin e gjyqtarit Arben Dosti

Lajmi kryesor:

Propozimi për hartën e re gjyqësore, KLGJ pritet të nisë në fillim të nëntorit konsultimin publik! Objektiv, miratimi brenda janarit të 2022

M.Q./r.k./Shqiptarja.com

TAG:
• ministria e drejtesise
• maks haxhia
• klgj
• KLP
• harta gjyqesore