POP 5

Lajmet më të lexuara të 5 minutave të fundit

Kosova & Rajoni

Kosovë/ Prokuroria bastis Ministrinë e Mjedisit, 2 të dyshuar për korrupsion dhe fshehje pasurie! Sekuestrohen kompjutera dhe dosje

Prokuroria Speciale ka konfirmuar se aksioni lidhet me dy personat e dyshuar për shpërdorim të detyrës, e veprat penale që lidhen me “keqpërdorim të detyrës zyrtare”, “pastrim parash” dhe “mosraportim ose raportim i rremë të pasurisë, të ardhurave, të dhuratave, të dobisë a detyrimeve financiare”

Kosovë/ Prokuroria bastis Ministrinë e Mjedisit, 2 të dyshuar për korrupsion dhe fshehje pasurie! Sekuestrohen kompjutera dhe dosje

Operacioni i Prokurorisë në Kosovë

Prishtinë- Hetuesit policorë kanë bastisur sot (8 Tetor) Ministrinë e Mjedisit, Planifikimit Hapësinor dhe Infrastrukturës të Kosovës.

Raportohet për disa materiale, kompjuterë, dosje e dokumente të sekuestruara gjatë kontrollit. Dy persona janë të dyshuar për shpërdorim të detyrës zyrtare.

Policia e Kosovës konfirmoi se shkoi që në orët e para të mëngjesit, në Ministrinë e Mjedisit, Planifikimit Hapësinor dhe Infrastrukturës.

Sekretari i Përgjithshëm i ministrisë në fjalë, Izedin Bytyqi, nën shoqërimin e policisë është larguar nga objekti i këtij institucioni.

Prokuroria Speciale ka konfirmuar se aksioni lidhet me dy personat e dyshuar për shpërdorim të detyrës, e veprat penale që lidhen me “keqpërdorim të detyrës zyrtare”, “pastrim parash” dhe “mosraportim ose raportim i rremë të pasurisë, të ardhurave, të dhuratave, të dobisë a detyrimeve financiare”, shkruan "Zëri".

“Me urdhër të Prokurorisë Speciale të Kosovës është duke u zhvilluar një aksion në MMPHI. Janë dy persona të dyshuar për kryerjen e veprës penale që lidhen me ‘Keqpërdorimin e detyrës zyrtare’, nga Neni 414 i KPK-së, ‘Shpëlarjes së parasë’ nga Neni 302 i KPK-së dhe veprën penale të ‘Mosraportimit ose raportimit të rremë i pasurisë, të ardhurave, të dhuratave, të dobisë tjetër materiale ose detyrimeve financiare’, nga Neni 430, paragrafi 2 i KPK-së”, thuhet në njoftimin zyrtar.

Prokuroria ka thënë se “pas përfundimit të aksionit do të ketë njoftim”.

Momenti i shoqërimeve nga policia

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Lajme të mira në punë...Çfarë parashikon horoskopi për ju sot

Lajme të mira në punë...Çfarë parashikon horoskopi për ju sot

26 Janar, 07:21