POP 5

Lajmet më të lexuara të 5 minutave të fundit

Arkiva

Prokuroria merr në pyetje Guvernatoren në detyrë, Elisabeta Gjonin  

-Gjatë dy ditëve të fundit janë pyetur dhe anëtarët e tjerë të Këshillit Mbikqyrës; Dhori Kule, Ardian Civici, Petraq Milo, Ermelinda Meksi dhe Ela Golemi- TIRANË, 9 Shtator/ATSH-Arbi Fortuzi/-. Guvernatorja në detyrë e Bankës së Shqipërisë,Elisabeta Gjoni është paraqitur sot në mëngjes në zyrat e Prokurorisë së Tiranës për të rrëfyer dëshminë e saj, në […]
Guvernatorja në detyrë e Bankës së Shqipërisë,Elisabeta Gjoni është paraqitur sot në mëngjes në zyrat e Prokurorisë së Tiranës për të rrëfyer dëshminë e saj, në lidhje me vjedhjen e 713 milion lekëve nga BSH.
Gjoni, takoi një ditë më parë Kryeministrin Edi Rama, Kreun e Kuvendit Ilir Meta dhe Presidentin e Republikës, Bujar Nishani për të marrë garancitë e nevojshme në vijimin e detyrës së saj, ndërsa sot në rreth orës 8:45' u paraqit në zyrat e Prokurorisë së Tiranës për t'u marrë në pyetje nga grupi hetimor i kryesuar nga Prokurori Ramadan Troci.

Prokuroria e Tiranes
Gjatë kohës që Gjoni mbante detyrën e zv/Guvernatores ajo kishte për detyrë të nxjerrë rregullore dhe urdhra të posaçme për të kontrolluar punën në departamentet e bankës, kjo referuar kapitullit nr.2, dhe më konkretisht neni 5 të rregullores nr.13 të 22 shkurtit 2006, ku saktësohet se përgjegjësia e zëvendësguvernatores Gjoni është e njëjtë me atë të guvernatorit Fullani. Pikërisht në këtë nen thuhet se nismën propozuese për hartimin e akteve juridike e kanë: Këshilli Mbikëqyrës, Administratorët, që janë guvernatori dhe zëvendësguvernatori, Inspektori i Përgjithshëm dhe drejtuesit e departamenteve. Ky nen i cakton përgjegjësi jo vetëm guvernatorit për të nxjerrë akte juridike por dhe një sërë drejtuesish të tjerë, përfshirë këtu dhe Elisabeta Gjonin. Prandaj dëshmia e saj është bazë për të verifikuar veprimet dhe mosveprimet e saj që mund të kenë ndikuar në vjedhjen e thesarit.

Pasi votuan dy ditë më parë propozimin për shkarkimin e Guvernatorit të Bankës së Shqipërisë, anëtarët e Këshillit Mbikëqyrës janë paraqitur në prokurori siç dhe ishin ftuar, për të dëshmuar në lidhje me hetimin për vjedhjen e thesarit, teksa për mediat kanë preferuar të përgjigjen me heshtje.

Sakaq, mëngjesin e të Premtes, dëshmuan ne organin e akuzës anetaret Ermenlinda Meksi dhe Ela Golemi. Pas dëshmive, pasdite erdhi dhe arrestimi i bujshëm i Guvernatorit Fullani. Ndërsa një ditë më parë dëshmuan tre anëtar të tjerë të BSH, Ardian Civici, Dhori Kule dhe Petraq Milo./ATSH/

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

'Bota është në heshtje'/ Dëshmia prekëse në OKB e Tanya Haj-Hassan, mjekes vullnetare në Gaza (VIDEO)

30 Nëntor, 22:32