POP 5

Lajmet më të lexuara të 5 minutave të fundit

Kronikë

Prokuroria tërhiqet, Dritan Prifti
është i lirë nga çdo akuzë

Ish-ministri i Ekonomisë Dritan Prifti është i lirë nga çdo akuzë, pasi Prokuroria e Përgjithshme ka tërhequr ditën e sotme akuzat e ngritura për korrupsion, ndaj tij dhe ish-zv/ministrit të Ekonomisë, Leonard Beqiraj.
Prokuroria tërhiqet, Dritan Prifti<br />është i lirë nga çdo akuzë
TIRANE - Ish-ministri i Ekonomisë Dritan Prifti është i lirë nga çdo akuzë, pasi Prokuroria e Përgjithshme ka tërhequr ditën e sotme akuzat e ngritura për korrupsion, ndaj tij dhe ish-zv/ministrit të Ekonomisë, Leonard Beqiraj.

Prifti dhe Beqiraj akuzoheshin nga prokuroria “për korrupsion pasiv të personave që ushtrojnë funksione publike”.

Tërheqja e akuzës vjen pasi Gjykata e Lartë në një vendim rrëzoi provën kryesore të Prokurorisë lidhur me çështjen "Prifti- Beqiraj", duke e shpallur të papërdorshme video-përgjimin e bisedës mes tyre, të xhiruar nga vetë Prifti.

Para 4 ditësh Gjykata e Lartë i ka rikthyer dosjen Prokurorisë, e cila vendosi sot pushimin e çështjes.

HISTORIKU I VIDEOS
Hetimi ndaj tyre pati si fillesë një material video të gjetur në një nga pajisjet e kontrolluara nga eksperti amerikan, Glen Bart, për llogari të hetimit “Meta-Prifti”.

Në videon e fshehtë të publikuar në media shfaqeshin Prifti dhe Beqiraj duke ndarë një sasi parash me njëri-tjetrin, por nuk dëgjohej qartë se çfarë flitej midis tyre.

Videoja mes Dritan Priftit dhe Leonard Beqiraj u zbulua në shkurt të vitit 2011 nga eksperti amerikan që mori në dorëzim kompjuterin e ish-ministrit të Ekonomisë, ndërsa kryente ekspertizën për origjinën e videos Meta-Prifti. Në video dy ish-zyrtarët e lartë shfaqeshin duke ndarë rreth 70 mijë euro midis tyre.

(eç/shqiptarja.com)

  • Sondazhi i ditës:

    Kush mendoni se qëndron mbrapa sulmit ndaj Top Channel?

Lajme të tjera



×

Lajmi i fundit

'Polonia asnjë rast, kanë portier të mirë', Cikalleshi: Kombëtarja ka hapur një kapitull të ri

'Polonia asnjë rast, kanë portier të mirë', Cikalleshi: Kombëtarja ka hapur një kapitull të ri

27 Mars, 22:57