POP 5

Lajmet më të lexuara të 5 minutave të fundit

Kosova & Rajoni

Prokuroria urdhëron bastisje në Ministrinë e Bujqësisë në Kosovë

Prokuroria Speciale e Kosovës ka bërë të ditur të enjten se e ka autorizuar Policinë e Kosovës që të kryejë veprime hetimore në Ministrinë e Bujqësisë, Pylltarisë dhe Zhvillimit Rural lidhur me dyshimet se zyrtarë publikë të kësaj ministrie kanë kryer vepra penale.

Prokuroria urdhëron bastisje në Ministrinë e Bujqësisë në Kosovë

Ministria e Bujqësisë në Kosovë

Prokuroria Speciale e Kosovës ka bërë të ditur të enjten se e ka autorizuar Policinë e Kosovës që të kryejë veprime hetimore në Ministrinë e Bujqësisë, Pylltarisë dhe Zhvillimit Rural lidhur me dyshimet se zyrtarë publikë të kësaj ministrie kanë kryer vepra penale.

Përmes një komunikate për media, Prokuroria ka thënë se dyshimet lidhen me renovimin e objektit që dikur e ka shfrytëzuar partia politike, Aleanca për Ardhmërinë Kosovës, i cili tani është nën menaxhimin e Ministrisë.

Prokuroria ka thënë se zyrtarët publikë dyshohen për “keqpërdorim të detyrës zyrtare” për “keqpërdorim të pozitës zyrtare”, “keqpërdorim dhe mashtrim në prokurimin publik” dhe “falsifikim të dokumenteve”.

Mediumi lokal në Kosovë, Koha, ka raportuar ditë më parë lidhur me një pagesë të kryer në vlerë të 66 mijë eurove për një konsorcium për heqjen e mobilieve nga ndërtesa që tani është nën menaxhim të ministrisë.

Sipas këtyre raportimeve, ministria ka paguar nga 2 mijë euro për heqjen e mobilieve nga secila prej 33 hapësirave të ndërtesës, përfshirë tualetet në të cilat ka pasur inventarë.

Për këto shërbime dhe rinovimin e rreth 600 metrave katrorë, Ministria e Bujqësisë besohet se i ka shpenzuar 370 mijë eurove, sipas raportimeve të Kohës.

Radio Evropa e Lirë nuk i ka verifikuar në mënyrë të pavarur këto raportime.

Ministria e Bujqësisë ka thënë në një përgjigje për Radion Evropa e Lirë se përgëzon autoritetet për reagimin e shpejtë dhe qasjen proakive, ndonëse këto veprime vijnë pas një “shkrimi spekulativ medial”.

“Organet e rendit dhe drejtësisë le ta kryejnë punën e tyre. Për të njëjtin objekt ka pasur prova dhe dëshmi për abuzime për vite të tëra, mirëpo reagime ekspeditive të këtij lloji nuk janë ndërmarrë asnjëherë më parë”, është thënë mes tjerash në përgjigjen e Ministrisë.

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Mars, 10:09

    Sa e dëshironi integrimin e Shqipërisë në Bashkimin Europian?

Lajme të tjera



×

Lajmi i fundit

BE kërkon zbatimin e shpejtë të planeve për armatimin

BE kërkon zbatimin e shpejtë të planeve për armatimin

22 Mars, 08:29