Katër të vrarë më 2 prill 1991 në një demonstratë politike në Shkodër. Ende sot e djatha akuzon të majtën për krim shtetëror. Askush fajtor, asnjë i dënuar!
Katër të vrarë më 11 janar 2021 në një demonstratë politike në Tiranë! Ende sot e majta akuzon të djathtën për krim shtetëror. Askush fajtor, asnjë i dënuar!
Katër të vrarë më 27 qershor 2021, në plazhin e Velipojës. Jo për çështje politike, për “çështje pronash”.
Jo për ‘çështje politike’, por sa kohë ka që bregdetit dhe detit shqiptar i kanë dalë edhe pronarë! Politikanët që kanë hartuar politika zhvillimi për turizmin në këto 30 vjet, a kanë ndonjë përgjigje dhe e mbajnë ndonjë përgjegjësi? A e dinë ata se kush i zotëron hotelet dhe komplekset apo resortet turistike! Po rëra dhe deti shqiptar a kanë pronar?
A ndodhin në Greqi, Kroaci, Malin e Zi krime të ngjashme, për të zaptuar pronat publike në bregdet, si në Shqipëri?
Sherri që çoi sot në një masakër, sipas policisë, nisi për rërën e bregdetit dhe ujin e detit. Ndodhi në mes të sezonit turistik. Turizmi dhe bujqësia konsiderohen dy sektorët kryesorë të ekonomisë sonë. Pas ngjarjes shumë pushues të tmerruar morën çantat dhe ikën natën. Të tjerë që kishin planifikuar Velipojën sot, do të kenë përfunduar me siguri, në Malin e Zi ose Kroaci.
A e keni dëgjuar këtë klasë politike që “vajton” ende për rreth 5 mijë viktima të kohës së komunizmit, të cilët u vranë gjatë 45 viteve të diktaturës për bindje politike. E gjen fajtorin te kundërshtari politik, por nuk përmend emra konkretë. Ajo që dimë është fakti se në 30 vjet nuk ka ende asnjë të dënuar për krimet e komunizmit!
Në mungesë të një analize serioze nga Këshilli i Sigurisë Kombëtare, i cili mblidhet sa herë ka tension dhe sherr banal mes krerëve të partive, apo edhe i të dhënave zyrtare, sipas disa raporteve të besueshme nga 1991 deri më sot besohet se janë vrarë për çështje pronash rreth 10 mijë qytetarë shqiptarë.
Nuk përfshihen në këtë listë rreth 4 mijë të vrarë në ’97 dhe me dhjetra mijëra të tjerë që janë vrarë nga krimi i rrugës, larje hesapesh, apo krimi i organizuar, në këto 30 vite. Nuk përfshihen as aksidentet, shumica prej papërgjegjshmërisë së shoferëve, siç ishte shuarja e një familje me 4 anëtarë dy ditë më parë.
E ndërsa bota po çlirohet sot nga makthi i pandemisë, shqiptarët vazhdojnë të zgjohen çdo ditë me lajme të një bilanci tragjik që solli dhe mbolli politika e viteve të mbrapshta. Nëse nuk vihet “gishti në plagë” çdo ditë e më shumë bilanci tragjik në shoqërinë tonë do të thellohet. Janë plagë sociale që e kanë burimin te drejtësia e munguar dhe shteti i kalbur me zyrtarët e tij të korruptuar. Në vend që të ishte punuar për shërimin e këtyre plagëve, kur duhej të ishte ngritur një ditë e më parë drejtësia e re, kjo e fundit sulmohet politikisht pa asnjë propozim dhe ide më të mirë sesi ajo të mund të avancojë përpara.
Pasojat politike janë edhe më tragjike se ‘Covid-19’ në Shqipëri. Sot shqiptarët prisnin sërish lajme edhe të mira nga situata e koronavirusit në vend… por zgjohen trishtueshëm!
Katër persona mbetën të vranë dhe dy të tjerë të plagosur gjatë një konflikti me armë zjarri, pak minuta pas mesnatës, në plazhin e Velipojës. Drejtori i policisë së Shkodrës, Niko Brahimaj, bëri të ditur se ngjarja ndodhi pas një konflikti të çastit mes pronarëve të dy hoteleve për të drejtën e shfrytëzimit të hapësirës së rërës për vendosjen e shezllongeve dhe çadrave. Mes viktimave është edhe biznesmeni 59 vjeçar, Kujtim Ferracaku, pronar i një hoteli, “Fantazia” në Velipojë. Gjithashtu, i plagosur në këtë konflikt ka mbetur dhe vëllai i tij, Hasan Ferracaku, babai i Arjan Ferracakut, 31-vjeçarit që u gjet i vrarë tre vite më parë në zonën e Livadhes, në periferi të qytetit të Shkodrës.
Lajme të tjera
-
Pushimet e shqiptarëve për festat e fundvitit, agjentja turistike për Report Tv: Vjena e Budapesti të preferuara! Egjipti më i vizituari këtë vit
25 Dhjetor, 15:50 -
Magjia e Krishtlindjeve në Shkodër, qytetarët shijojnë koncertin festiv para Bashkisë
25 Dhjetor, 12:10
-
‘Dhuratë zemre për Krishtlindje!' Gjimnazistët e Yzberishtit festojnë me fëmijët jetimë në Shkodër
25 Dhjetor, 11:06
-
Fushë-Arrëzi dhe Vau i Dejës kremtojnë Krishtlindjet me mesazhe shprese dhe paqe
25 Dhjetor, 11:00 -
Shkodër/ U plagos me armë zjarri, vihet në pranga 24-vjeçari pasi dha kallëzim të rremë! Autori ende në kërkim
25 Dhjetor, 10:58 -
Krishtlindja kremtohet edhe në Shkodër, qindra besimtarë morën pjesë në meshën e vigjiljes
25 Dhjetor, 10:43 -
Sondazhi i Report Tv/ PS fiton Tiranën me 18 mandate, PD 11! 8 deputetë nga partitë e reja! Në Durrës socialistët fitore të thellë, marrin dhe Dibrën e Lezhën! Garë e fortë në Shkodër
25 Dhjetor, 07:51 -
Shkodër/ Plagoset me armë zjarri 24-vjeçari, dërgohet në spital me plagë në këmbë! Policia nis hetimet, shpall në kërkim 22-vjeçarin e dyshuar (EMRI)
23 Dhjetor, 22:02 -
Pamje magjike nga Hajmeli, 250 besimtarë krijojnë skenën e lindjes së Jezu Krishtit! Shfaqja ‘Betlehemi i gjallë’ merr vëmendjen e qindra vizitorëve
23 Dhjetor, 16:04 -
Shkodër/ Po dhunonte të atin dhe e kërcënonte për ta vrarë, policia arreston në flagrancë 29-vjeçarin
23 Dhjetor, 11:10 -
E përditshmja britanike 'Sunday Times': 10 vendet më të mira për t’u vizituar në Shqipëri
23 Dhjetor, 09:52 -
Shkodër, i vjedhin në rrugë çantën me 170 000 lekë dhe paketa me cigare, arrestohen hajdutët
20 Dhjetor, 11:13
