Pronat e paluajtshme/ Agjentja Imobilare: Ka interes të shtuar për zonat e bregdetit! Në Tiranë po merr vëmendje Paskuqani, çmimet tani janë stabilizuar

Çmimet e apartamenteve në Tiranë por jo vetëm janë rritur me 16%, ndërsa ka një rekord historik të kredive për shtëpi, por prona po shiten më pak.

Lidhur me këtë situatë, se çfarë po ndodh me pasuritë e paluajtshme në Shqipëri dha më shumë sqarime agjentja imobiliare Ilda Zaloshnja në Studio Live.

Ajo theksoi për Arbër Hitajn se pas viteve 2021, 2022, ku kishte një rritje të lart të çmimeve të pasurive të paluajtshme, tashmë ka një stabilitet të çmimeve.

LEXO EDHE:
Zgjedhjet 2025/ KQZ teston sot Platformën Elektronike të Regjistrimit për zgjedhësit jashtë Shqipërisë

'Pas një rendje drejt majës rritjes së çmimeve goxha shpejt në 2021 2022, viti 2023 dhe ky tani kanë parë një stabilitet të çmimeve. BSH del me raporte që në gjykimin tonë, mendojmë nuk reflektojnë aq shumë realitetin. 2024 nuk ka parë rritje çmimesh në Tiranë. Por ka pasur interes në zonat e bregdetit që kanë parë rritje çmimesh. Me hapjen e tunelit, projekte në Dhërmi, qoftë dhe projekte në Sarandë, kanë parë interesin e shumë investitorëve që e shikojnë Shqipërinë si destinacion.'

Tirana nuk duket se ka më interesin e disa viteve më parë, pasi interesi i blerësve ka shkuar tek pronat në jug, pranë bregdetit.

'Është e lidhur me interesin e lartë për Shqipërinë, ndërtimi i rrugëve të reja, tuneli , aeroporti i Vlorës, e kanë bërë Shqipërinë më të afërt për udhëtime, aq më tepër tani me projektet e bukura. Tirana këtë vit ka parë më shumë qetësi, kjo ishte e pritshme. Pasi kanë blerë shtëpitë e para dhe të dyta në tiranë, tanimë janë drejtuar bregdetit si destinacion i radhës.'

Në Tiranë, janë të paktë vendet ku apartamentet shiten me 4000-4500 euro metri katror, përveç disa pallatave në qendër.

'Ka çik abuzim, ka ndërtime të caktuara në tiranë që nuk i kaloj në 10 gishtat e dorës që ofrohen me 4000 4500 euro nuk ka arritur më shumë. Pasi janë ndërtime shume luksoze. Flasim për qendrën, për vende si sheshi Skënderbej, prapa hotel Dajtit. Ndërsa përgjithësimet nuk bëjnë mirë asnjëherë. Qendra ka dhe me 2000 2500 euro metri katror, që nuk është shumë shtrenjtë, lidhur me rritjen e kostove të punës, pagave të punëtorëve të ndërtimit.'

'Kemi vënë re  në historikun tonë që prona që ka çmimin e duhur dhe e vendosur në pozicion, prona shitet dhe shumë shpejt. Ka zona në Tiranë ku pronat ikin brenda javës. Janë familjarë. Çifte të reja. Ka një qarkullim dhe kërkesë. Ndoshta për pronat e shtrenjta nuk është sa për të tjerat.'

Të huajt po shtojnë interesin për të blerë në Shqipëri, përveç europianëve edhe nga SHBA.

'Shtetasit e huaj i tërheq bukuria e natyrës. Dhe shikojnë  çmimet realitivisht të ulëta krahasuar me vendet e tyre. Përgjithësisht janë kombësi si Polonia, Çekia, Sllovakia, gjermania. Kemi vënë re, që edhe nga Amerikan agjentët imobilarë atje kanë interesin e për Shqipërinë.'

Zaloshnja sugjeron zonat e reja për të investuar në Tiranë pasi në të ardhmen priten të marrin një hov të ri zhvillimi.

'Zona e Paskuqanit po merr shumë interes sot. Ajo zonë do jetë zgjatim i bulevardit. Është me 900 metri katror. Niveli mesatar mund ta gjejë veten në zonat e reja, Paskuqani, Astiri, Yzberishti. Një mënyrë tjetër është të mos shikojnë ndërtimet e reja që po ndërtohen sot.'

Në fund Zaloshnja jep dhe një këshillë për çiftet apo për ata që duan të blejnë një shtëpi.

'Të shkojnë në bankat mike të tyre dhe të shikojnë me të ardhurat që kanë deri në sa mund të kualifikohen për të blerë një pronë. Nëse banka i kualifikon nuk ka asnjë lloj pamundësie për të blerë një pronë në tiranë. Vetëm të jenë mendje hapur dhe të mos kërkojnë të gjithë në sheshin Skënderbej.'

TAG:
• Tirane
• Ilda Zaloshnja
• studio live

Sondazhi i ditës:

Si ka qene per ju viti 2024?

• I mire

  44.1%

• I keq

  22.7%

• As i mire as i keq

  33.2%

Vota total: 1507

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq