POP 5

Lajmet më të lexuara të 5 minutave të fundit

Ekonomi

Pronat, në 20 vjet 100 ndryshime
ligji, mungon transparenca

Shoqata Transparency International ka deklaruar dje se prona, si e drejtë dhe detyrim kushtetues, mbetet një nga çështjet me besimin më të ulët të publikut tek institucionet përgjegjëse, që perceptohen si shumë të prekura nga korrupsioni
Pronat, në 20 vjet 100 ndryshime<br />ligji, mungon transparenca
TIRANE-Çështja e zvarritur e pronësisë në Shqipëri ka sjellë perceptimin se sektori i administratës që duhet të merret me të është më i korruptuari në vend. Ky kë qenë një ndër konkluzionet e Transparency International Albania, e cila, në kuadër të projektit "Advocacy and Legal Advice Centre"(Qëndra për Këshillim dhe Asistencë Ligjore), financuar nga Delegacioni i Komisionit Europian në Shqipëri, organizoi dje një tryezë diskutimi mbi të drejtën e pronës në Shqipëri, problematikat e shfaqura ndër vite dhe mundësitë për përmirësimin e kuadrit ligjor e praktik. Qëllimi i këtij projekti është dhënia e asistencës ligjore falas për viktimat e korrupsionit, si edhe asistencë ligjore e ndihma në mbledhjen e informacioneve të nevojshme për zgjidhjen e konflikteve administrative. Pjesa më e madhe (mbi 40%) e ankesave të qytetarëve pranë zyrës së TIA-s kanë në themel çështje të konflikteve me pronësinë. Në konferencë, që u realizua me pjesëmarrjen e gjerë të shoqërisë civile, përfaqësues të disa institucioneve publike dhe shoqatat e ish-pronarëve në vend, u konkludua me nxjerrjen e disa ekomandimeve.

Ndër to, kërkohet përmirësimi i kuadrit ligjor dhe pastrimi i legjislacionit nga mbivendosja e kompetencave si edhe plotësimi i tij me akte nënligjore; zbatimi me korrektësi i ligjit, rritja e efiçencës dhe shkallës së transparencës në administrate apo rritja e shkallës së koordinimit midis institucioneve shtetërorë që trajtojnë çështjet e pronësisë. Po kështu, është kërkuar përfundimi i proçesit të kthimit dhe kompensimit të pronave, proçesit të legalizimit dhe atij të vlerësimit të titujve të pronësisë brenda afateve ligjore dhe përfundimi i regjistrimit fillestar të pasurive të paluajtshme dhe dixhitalizimi i të dhënave.

Nga ana tjetër, është cilësuar si urgjente rritja e efiçencës së sistemit të përmbarimit privat për ekzekutimin e vendimeve përfundimtare apo nxjerrja e të dhënave të sakta mbi numrin e kërkesave për kthim, kompensim, si edhe e vendimeve gjyqësore mbi çështjet e pronësisë, në mënyrë që të përllogariten kostot e nevojshme për përfundimin e këtyre proçeseve. Transparency International Albania u ka bërë apel autoriteteve shtetërore dhe aktorëve politikë në vend të adresojnë në mënyrë urgjente abuzimet korruptive dhe mungesën e transparencës në procesin e kthimit dhe kompensimit të pronës në Shqipëri, si një nga rekomandimet kyce të procesit integrues të vendit në strukturat europiane.

(Shkrimi u publikua sot ne gazeten Shqiptarja.com)
(sg/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Protestë për vrasjen e Martinit, nesër paralajmërohet bojkot dhe protesta në shkolla, kërkohet dorëheqja e ministres

Protestë për vrasjen e Martinit, nesër paralajmërohet bojkot dhe protesta në shkolla, kërkohet dorëheqja e ministres

26 Nëntor, 09:50