Protesta e banorëve në aksin rrugor Librazhd-Elbasan, policia procedon 5 persona

Protesta e organizuar ditën e djeshme, 31 korrik nga banorët në askin rrugor Librazhd-Elbasan duket se ka pasur tensione.

Protestuesit kanë bllokuar qarkullimin në aksin rrugor, ndërkohë që policia ka shoqëruar disa prej tyre në komisariat. 

Policia njofton se në lidhje me ngjarjen e djeshme, janë proceduar pesë persona për veprën penale “Organizimi dhe pjesëmarrja në grumbullime e manifestime të Paligjshme”.

LEXO EDHE:
Trafik i rënduar në autostradën Tiranë-Elbasan, 4.7 km vargu i makinave! 1 orë pritje në radhë

“Komisariati i Policisë Librazhd referoi materialet në Prokurori ku nisi procedimi penal për shtetasit: A. M., 38 vjeç, S. T., 21 vjeç, E. M., 23 vjeç, E. A., 28 vjeç dhe B. Rr., 36 vjeç, për veprën penale “Organizimi dhe pjesëmarrja në grumbullime e manifestime të Paligjshme”, pasi ditën e djeshme, në fshatin Mirakë, kanë organizuar një manifestim të paligjshëm, me pretendimin se rruga që po bëhet nuk ka hyrje në fshat”, thuhet në njoftim.

Rruga e re Elbasan-Qafë Thanë e cila po ndërtohet nga Autoriteti Rrugor Shqiptar prek fshatrat e Librazhdit. Banorët protestuan pasi kërkojnë ndryshimin e projektit, sepse ky projekt ndan në mes Hotolishtin, dëmton shtëpitë dhe tokat bujqësore.

Aksi rrugor nacional Elbasan - Qafë Thanë është pjesë e korridorit VIII dhe do ti kushtojë buxhetit të shtetit 10 miliardë lekë.

TAG:
• librazhd
• Elbasan
• proteste

Sondazhi i ditës:

Si ka qene per ju viti 2024?

• I mire

  43.7%

• I keq

  22.7%

• As i mire as i keq

  33.6%

Vota total: 1623

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq