POP 5

Lajmet më të lexuara të 5 minutave të fundit

Politikë

Protesta e banorëve të 5 Maj, Rama replika me qytetarët në Facebook: Kush nuk del me hir del me pahir! Askush nuk nxirret nga shtëpia pa zgjidhje

Protesta e banorëve të 5 Maj, shtëpitë e të cilëve do të shemben në kuadër të projektit të rindërtimi, është zhvendosur edhe në hapësirën virtuale në faqen e Facebook, të kryeministrit Edi Rama

Protesta e banorëve të 5 Maj, Rama replika me qytetarët në Facebook: Kush nuk del me hir del me pahir! Askush nuk nxirret nga shtëpia pa zgjidhje

Protesta e banorëve të 5 Maj, shtëpitë e të cilëve do të shemben në kuadër të projektit të rindërtimi, është zhvendosur edhe në hapësirën virtuale në faqen e Facebook, të kryeministrit Edi Rama. Teksa ka ftuar qytetarët që të plotësojnë anketën e ‘Bashkëqeverisjes’, kreu i qeverisë është hasur me një reagim të banorëve të 5 Maj, të cilët i kërkojnë që të zgjidhë problemin e tyre. Rama u është përgjigjur ankesave të tyre, ndërsa sipas tij ati kanë marrë atë që i takon. Rama thotë ndër të tjera se askush nuk është nxjerrë nga banesa pa patur një zgjidhje.

Banori: Po pse nuk shënon në këshill a duhet t'i nxirrja me forcë banorët e 5 Majit ?! Ishte vërtet një veprim i paligjshëm për mos të përmendur përndjekjen e vazhdueshme të shitësve ambulante ku policia bashkiake e lali Erit u prishte gjithë tezgat !

Rama: Patjetër që kush nuk del me hir duhet të dalë me pahir, pasi e ka marrë atë që i takon sic e kanë marrë të tërë banorët tek 5 maji, ndërsa shitësit ambulantë nuk lejohen askund që të hapen si vaji në lakra përtej vendeve të lejuara.

Banorja: Ju ftoj të zgjdhni problemin e 5-majit! Nuk është e vërtetë që banorët po trajtohen siç ju takon! Po nxirren me dhunë nga banesat e tyre pa firmosur asnjë kontratë! Refuzimi i firmosjes së kontratës bëhet sepse ajo është e njëanshme e pavlefshme dhe në dëm të qytetarëve! Ju lutem trajtojeni problemin rast pas rasti! Secili rast ka problematikë të veçante! Ndalojeni këtë që po ndodh! Është realisht e tmerrshme! Nuk jemi aspak të pa-ligjshëm!

Rama: Askush nuk nxirret pa një zgjidhje, dëmshpërblim apo bonus qeraje dhe kompensim me banese sociale, njësoj siç bëmë me të prekurit nga tërmeti! Refuzimi nuk e bllokon dot procesin e zhvillimit dhe sigurisht që pasohet me nxjerrje forcërisht, përderisa të tërëve u është dhënë zgjidhja e askush nuk është lënë në qiell të hapur.

Më 19 janar Inspektoriati Kombëtar i Mbrojtjes së Territorit ndërmori aksionin për prishjen e banesave në zonën e 5 majit në Tiranë duke i hapur rrugën procesit të rindërtimit. Në total, preken 430 në total nga projekti i rindërtimit.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Hetimet e SPAK mbi Kadastrën, arrestohen dy persona për ushtrim të ndikimit të paligjshëm (EMRAT)

Hetimet e SPAK mbi Kadastrën, arrestohen dy persona për ushtrim të ndikimit të paligjshëm (EMRAT)

26 Prill, 22:49