Protesta e maturantëve, Meta: Po ju ndjek me shqetësim, zëri i tyre duhet dëgjuar

Presidenti Ilir Meta ka reaguar për protestën e maturantëve për Maturën Shtetërore, duke u shprehur se po ndjek me shqetësim këtë situatë, ndërsa bën thirrje që zëri i tyre të dëgjohet nga institucionet arsimore.

Meta shprehet se Komiteti i Maturës Shtetërore duhet të marrë në shqyrtim të gjitha kërkesat që kanë maturantët shqiptarë dhe se provimi duhet të shërbejë si vlerësim i dijeve dhe jo ndëshkim.

"Po ndjek me shqetësim protestën e maturantëve dhe kërkesat e tyre ndaj autoriteteve përgjegjëse. I bëj thirrje Komitetit të Maturës Shtetërore që në përmbushje të detyrimit ligjor dhe përballë kërkesave të studentëve, në transparencë të plotë, të marrë sa më parë në shqyrtim të gjitha shqetësimet e tyre dhe t’u përgjigjet me përgjegjësi të plotë. Edhe zëri i vetëm i një maturanti duhet dëgjuar, vlerësuar dhe sqaruar për paqartësitë dhe vështirësitë që ka hasur në këtë kohë pandemie. Viti që kaloi ka qenë shumë i vështirë për të gjithë sistemin arsimor, por në mënyrë të veçantë për maturantët tanë. Provimi i Maturës Shtetërore të shërbejë si një vlerësim i drejtë i dijeve të tyre në kohë të vështira, dhe jo si një ndëshkim ndaj pamundësisë objektive të studentëve dhe kufizimeve të pamerituara për arritjen e rezultateve të kërkuara", shkruan Meta.


Lajmi kryesor:

'Asnjë pyetjeve jashtë programit', Maturantët dorëzojnë draftin me 10 pika: Vendosim nesër për protestat


I.K./Shqiptarja.com
  • Sondazhi i ditës:

    A mund ta bëjë SPAK vettingun e politikanëve?



×

Lajmi i fundit

John

Ndërron jetë në moshën 88-vjeçare 'Tigri i ekonomisë' shqiptare