POP 5

Lajmet më të lexuara të 5 minutave të fundit

Kronikë

Protesta e PD, Veliaj: Politika të
fokusohet te puna e jo te shpifjet

Duke marrë shkak nga protesta e PD përballë Kryeministrisë, kreu i Bashkisë së Tiranës Erion Veliaj ka deklaruar që është shumë e rëndësishme që politika të fokusohet te puna dhe të prodhojë rezultate konkrete e të mos merret me llogje e sharje, shpifje e stërkëmbësha.
VIDEO  FOTO
Duke marrë shkak nga protesta e PD përballë Kryeministrisë, kreu i Bashkisë së Tiranës Erion Veliaj ka deklaruar që është shumë e rëndësishme që politika të fokusohet te puna dhe të prodhojë rezultate konkrete e të mos merret me llogje e sharje, shpifje e stërkëmbësha.
 
Gjatë inagurimit të këndit të dytë të forcës në Parkun e Liqenin, Veliaj tha se nëse Bashkia nuk pengohet të bëjë punën e saj investimet përfundojnë brenda një kohe të shkurtër të cilat janë sipas tij në të mirë të qytetarëve.
 
“E di që ka debate nga më të ndryshmet, megjithatë njerëzit e kanë kuptuar se është shumë e rëndësishme që politika të fokusohet te puna, të prodhojë rezultate konkrete, të mos merret me llogje e sharje, shpifje e stërkëmbësha, por t’i kushtojë vëmendje gjërave të prekshme për njerëzit...Sot, besoj, s’ka asnjë dyshim se kur Bashkia lihet të punojë, ne i mbarojmë investimet në kohë rekord. Ky kënd është investim i vogël, por me rëndësi të madhe në cilësinë e jetës së qytetarëve”, u shpreh Veliaj.
 
Me inagurimin e këndit të dytë të forcës në kuadër të nismës “Luaj Tirana”,  jo vetëm fëmijët, por tashmë edhe të rriturit kanë një hapësirë më shumë në parkun e Liqenit Artificial të Tiranës. Kreu i Bashkisë deklaroi se hapësira të tëra, që më parë ishin zaptuar, janë kthyer në hapësira publike për qytetarët, ndërsa shtoi se ky kënd i ri vjen edhe si një inkurajim për t’u marrë më shumë me aktivitete sportive.
 
“Mënyra se si vërtetohet kjo është prania e 275 mijë qytetarëve të Tiranës që e frekuentojnë rregullisht këtë hapësirë. Kjo na bën të kuptojmë se, siç fëmijët kanë nevojë për kënde lojërash (në të gjithë Tiranën kemi bërë rreth 10 të tillë), ashtu edhe të rriturit kanë nevojë për një kënd ku mund të ushtrohen fizikisht në natyrë, për pistë vrapimi apo biçikletash”, u shpreh Veliaj.
 
Në fund të fjalës së tij Veliaj tha se nisma “Luaj Tirana” do të shtrihet në parqet e Kasharit, Farkës, Dajtit dhe Pezës, për t’u siguruar që Tiranës i trashëgojmë 4-5 parqe.

[gallery]21184[/gallery]

Redaksia Online
(B.K/Shqiptarja.com)
 

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Argita Malltezi paraqitet në SPAK

Argita Malltezi paraqitet në SPAK

9 Janar, 08:53