Partia Socialdemokrate (PSD) protestoi sot kundër kryetares së Dhomave të Specializuara, Ekaterina Trendafilova, duke hedhur bomba tymuese që krijuan tym të madh të zi pranë një hoteli në Prishtinë, ku ajo po mbante takim me shoqërinë civile.
Sipas PSD-së, Policia e Kosovës arrestoi gjashtë anëtarë të saj,përfshirë edhe kryetarin, Dardan Molliqaj.
"Kjo është përpjekje për disiplinim dhe përmirësim imazhi për gjykatën e padrejtë speciale", shkroi PSD-ja në Facebook.
“UÇK-ja nuk mund të gjykohet”, UÇK-ja është përpjekje për liri”, “Historia është shkruar, propaganda ka dështuar” ishin vetëm disa nga pankartat që aktivistët e PSD-së mbanin në duar.
Policia e Kosovës përdori gazlotësjellës për shpërndarjen e protestuesve të cilët gjendeshin para hotelit në Prishtinës, ku pritej të zhvillohej takimi mes kryetares së Dhomave të Specializuara të Kosovës (DHSK), gjykatëses Ekaterina Trendafilova dhe përfaqësuesve të shoqërisë civile. Gjithashtu vendosi perimetër sigurie në distancë 100 metërshe.
Partia Socialdemokrate, e cila nuk përfaqësohet në Kuvend ka protestuar kundër Trendafilovës edhe në të kaluarën. E pyetur nga gazetarët për protestën e zhvilluar ditën e sotme kundër saj, Trëndafilova tha se qytetarët që kanë pakënaqësi nga Gjykata Speciale, ta takojnë personalisht.
Gjykata Speciale apo Dhomat e Specializuara dhe Zyra e Prokurorit të Specializuar është themeluar në vitin 2015 nga Kuvendi i Kosovës, është pjesë e sistemit gjyqësor të Kosovës, por vepron me personel ndërkombëtar dhe ka selinë në Hagë. Ata hetojnë krimet e pretenduara të pjesëtarëve të Ushtrisë Çlirimtare të Kosovës, të kryera kundër pakicave etnike dhe rivalëve politikë që nga janari i vitit 1998 deri në dhjetor të vitit 2000.
Aktualisht, pranë Dhomave të Specializuara janë duke u zhvilluar gjyqet ndaj ish-krerëve të UÇK-së – Hashim Thaçi, Kadri Veseli, Jakup Krasniqi dhe Rexhep Selimi – që akuzohen për krime lufte dhe krime kundër njerëzimit.
Dardan Molliqaj
Kryetarja e Dhomave të Specializuara të Kosovës në Hagë, Ekaterina Trëndafilova, ka reaguar pas protestës së mbajtur sot në Prishtinë nga aktivistë të partisë Socialdemokrate kundër saj.
Ajo tha se do të dëshironte që të takohej me ta për të folur mbi pakënaqësitë që kanë mbi Gjykatën Speciale dhe jo që të bëhen protesta të tilla ku pati edhe përplasje me policinë.
Ky është momenti i arrestimit të kreut të partisë Socialdemokrate të Kosovës, Dardan Molliqaj. Ky i fundit udhëhiqte protestën pranë një hoteli në Prishtinë ku kryetarja e Gjykatës Speciale Ekaterina Trëndafilova po takohet me përfaqësues të shoqërisë civile.
Para arrestimit të Molliqajt, u vu në pranga edhe një tjetër aktivist i kësaj partie, Nol Nushi.
Policia e Kosovës ka përdorur gaz lotsjellës për të shpërndarë protestuesit e mbledhur pranë perimetrit të sigurisë të vendosur para njërit prej hoteleve të Prishtinës ku po zhvillohet një takim mes kryetares së Gjykatës Speciale të Kosovës, Ekaterina Trendafilova dhe përfaqësuesve të shoqërisë civile.
Mediat e Kosovës kanë publikuar pamjet ku shihet se policia ka vendosur si perimetër sigurie distancën rreth 100 metra larg hotelit ku po protestohet.
Komente
Lajme të tjera
-
'Kurti po sfidon flamurin e shtetit me atë të kombëtar!' Deputeti i PDK-së: Bashkë me Osmanin pjesë e një agjende të dëmshme!
29 Nëntor, 14:27 -
Gjykata e Hagës urdhëron ish pjesëtarin e UÇK-së t’u paguajë 208 mijë euro viktimave të tij
29 Nëntor, 12:51 -
Sot një vit nga vrasja e Liridona Ademajt! Çfarë dihet për krimin makabër, autorët ende pa aktakuzë
29 Nëntor, 12:41 -
Kosovë/ Sulmohet me granatë dore ndërtesa e Komunës së Zveçanit, dëmtohen dhe 4 makina! Tre ditë më parë u sulmua stacioni policor
29 Nëntor, 08:51 -
Kurti lavdëron jetëgjatësinë e qeverisë së tij, por kritikët vënë në dyshim rezultatet
29 Nëntor, 08:23
-
Linja e mendimit e disa 'intelektualëve' italianë që ndërhyrjen e Nato-s në Kosovë vazhdojnë ta trajtojnë si agresion ndaj Serbisë!
28 Nëntor, 15:15
-
'Kosova është Serbi', autorët e mbishkrimit, pjesëtarë të ushtrisë në Mal të Zi
28 Nëntor, 13:06 -
Nipi i Adem Jasharit: Përfaqësuesja jonë, zgjedhja ime e vetme
28 Nëntor, 12:47 -
Kosovë/ Mësuesi akuzohet se hodhi në mbeturina flamurin kombëtar, përjashtoi nga ora nxënësen që mbante plis
28 Nëntor, 09:13
-
Deputeti i LDK: Veprimet e qeverisë Kurti, e kanë kthyer presionin e Perëndimit ndaj Kosovës
27 Nëntor, 22:16 -
Kosovë/ Stacioni policor në Zveçan sulmohet me dy granata dore
27 Nëntor, 10:50 -
Kolumbi/ Vjosa Osmani pritet me nderime të larta ushtarake në Pallatin Presidencial nga homologu Gustav Petro
27 Nëntor, 10:07
Mbare Kosova duhet te ngrihet ne kembe per mbrojtjen e luftetareve qe ju dhane lirine.
PërgjigjuKush je ti që hyn në Kosovë e bastis shtëpitë e Shqiptarëve o këlyshe Bullgare
PërgjigjuPo kjo shoqeria civile ke perfaqeson Ata qe luftuan per lirin e kosoves apo ata qe ja mbathen nga kosova nga frika e luftes
Përgjigju