POP 5

Lajmet më të lexuara të 5 minutave të fundit

Politikë

Protesta e studentëve, Blendi Klosi në '45 minuta': Ra entuziazmi, sot është mbushur me militantë partie

Protesta është në fokus të emisionit "45 minuta" të gazetarit Denis Minga në Report Tv ku i ftuar është ministri i Mjedisit dhe Turizmit, Duke e krahasuar me protestën e dhjetorit '90, Klosi tha se studentët atëherë krijuan një lidership që i udhëhoqi ata, ndërsa protesta e këtyre 15 ditëve, duhet t'i shërbejë interesave të studentëve për të sjellë diçka pozitive dhe jo të shfrytëzohet për përfitime politike 

Ministri i Mjedisit dhe Turizmit, Blendi Klosi thotë se protesta e studentëve u sfumua nga militantët e partive opozitare. I ftuar në emisionin "45 minuta" të gazetarit Denis Minga në Report Tv, Klosi tha se protesta nuk ka më atë gjallërinë dhe entuziazmin e fillimisht, ndërsa shtoi se kur kanë kaluar 15 ditë, aty gjen më shumë militantë partie sesa studentë. Klosi shtoi gjithashtu se politika po tenton të nxjerrë përfitime për qëllime të veta ng kjo protestë.

Vetë kryeministri e ka mbështetur protestën. Sot ka rënë entuziazmi, zgjuarsia, bukuria e protestës dhe inteligjenca që pasqyronin në protestën e tyre. Sot kemi një protestë të mbushur me militantë. 

Blendi Klosi ministër i Mjedisit

Dialogu i Ramës me pedagogët dhe studentët, tha Klosi, do vijojë me të gjitha universitetet në vend. 

Duke e krahasuar me protestën e dhjetorit '90, Klosi tha se studentët atëherë krijuan një lidership që i udhëhoqi ata. Protesta e këtyre 15 ditëve, tha Klosi, duhet t'i shërbejë interesave të studentëve për të sjellë diçka pozitive dhe jo të shfrytëzohet për përfitime politike.

"Ajo ishte një protestë që mori lidershipin e saj që në fillim. Do ta mbështesja atë lidership. Protesta e dhjetorit 90 solli demokracinë, një gjë fantastike. Ngjarjet që rrodhën i shërbyen Shqipërisë në atë kohë. Edhe ngjarjet e sotme duhet t'i shërbejnë Shqipërisë, por për çfarë? Për t'i dhënë zgjidhje problemeve të studentëve? Apo për përfitime politike?", shtoi ministri i Mjedisit dhe Turizmit.

Rendit zhvillimet sipas orarit:
Ora 16:53
Kërkesat e studentëve, Klosi në “45 minuta”:  Problematikat janë reale, Reforma në arsim të shkojë përpara

Ministri i Mjedisit, Blendi Klosi, gjatë bisedës në “45 minuta” tha se Reforma në Arsim duhet të ecë përpara. Klosi tha se kërkesat e ngritura nga studentët janë reale. “Problematikat janë reale, janë problematika që duhet bashkëqeverisje. Studentët guxuan, u përpoqën masivisht, ia dolën që politika të merret me studentët. Duhet të bëhet ndarje mes dy protestave, asaj që vjen nga studentët dhe nga politika. PD dhe LSI e ka për detyrë që të bëjë protestë dhe të tregojë alternativë. Kemi nevojë ta çojmë reformën para. Kemi bërë shumë për arsimin. Ka shumë nevojë që gjërat të ecin përpara dhe të marrin spunto tjetër.  Ne e kemi deklaruar hapur që po bëjmë takime me votuesit për të parë kush do të jetë në listat e kandidatëve për këshilla bashkiakë dhe çfar duhet të bëjmë ne me lista. “-tha Klosi.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça