TIRANË- Një grup i vogël studentësh nga Fakulteti i Shkencave të Natyrës, Inxhinierisë së Ndërtimit dhe Fakultetit të Arkitekturës dhe Urbanistikës, Historisë dhe Filologjisë, Ekonomikut, Mjekësisë dhe Shkencave Sociale vijojnë të ngujohen brenda ambjenteve të shkollës duke mos lejuar pjesën tjetër që të zhvillojë mësimin.
Në fakultetin e Ekonomisë, një pjesë e studentëve janë rikthyer në shkollë por janë penguar nga një tjetër grup studentësh, të cilët janë ngujuar prej disa ditësh brenda ambienteve universitare.
Dera kryesore e fakultetit është bllokuar me karrige e tavolina nga grupi i studentëve të ngujuar, duke e bërë të pamundur zhvillimin normalisht të mësimit.
Në një prononcim për Report Tv, një studente e cila është pro mësimit u shpreh se: Jemi për mësim, jemi një grup shumë i madh. Na është bllokuar dera. Nuk na lënë të futemi as ne dhe as administratën. Ne nuk kemi hequr dorë nga kërkesat, por kemi kuptuar që ato duan kohë që të plotësohen. Nëse nuk ndodh kjo sërish ngrihemi në protestë.
.jpg)
Dera e bllokuar te Fakulteti Ekonomik
Në një pyetsor të zhvilluar brenda fakultetit, 85 % e studentëve të ekonomikut janë përgjigjur me pro rinisjes së mësimit. (LEXO KËTU) Edhe në Shkodër, një grup studentësh pas një debati me rekotorin në hollin e universitetit kanë paralajmëruar ngujimin. (LEXO KËTU)
Në fakultetit në Drejtësisë në Tiranë, disa protestues kanë bllokuar sekretaritë mësimore, duke e bërë të pamundur për ekselentët që të tërheqin dokumentacionin e nevojshëm për aplikimin në portal, ku 1 mijë studentë ekseklentë do të punësohen. (LEXO KËTU) Më paqësore është situata në fakultetin Filologjik, ku studentët e ngujuar ia kanë nisur këngës dhe valles. (LEXO KËTU)
Prej datës 7 janar grupe studentësh vazhdojnë të qëndrojnë të ngujuar brenda fakulteteve të Ekonomisë, Mjekësisë, Drejtësisë, Shkencave sociale dhe Inxhinierisë së Ndërtimit që prej disa ditësh, ndërsa pjesa tjetër kanë vazhduar procedurat për dokumentacionet e nevojshme që të përfitojnë nga uljet e tarifave dhe bursat. (LEXO KËTU)
Ata kanë deklaruar se nuk do të tërhiqen, derisa të plotësohen kërkesat e tyre, edhe pse një ditë më parë kryeministri Edi Rama deklaroi se nëpër sekretariatet e fakulteteve do të ketë dy përfaqësues nga Ministria e Arsimit dhe Ministria e Financave që do të sqarojnë për pagesën e tarifave të studentëve. (LEXO KËTU)
Grupi i studentëve të ngujuar brenda fakultetit të Historisë dhe Filologjisë kanë vendosur që ta ‘kalojnë mërzinë’ duke kënduar dhe kërcyer.
Njëra prej studenteve ka kënduar këngën “Mama knows best” nga këngëtarja britanike Jessie J. Ndërsa disa të tjerë kanë kërcyer vallen e Kukësit.
Një grup studentësh të universitetit ‘Luigj Gurakuqi’ në Shkodër kanë paralajmëruar ngujimin njësoj si grupi i studentëve në Tiranë. Gjatë një bashkëbisedimi me rektorin në hollin e universitetit, ata u shprehën se nuk u janë pranuar kërkesat për uljen e krediteve dhe shkrirjen e Këshillit Studentor.
Studentët e Universitetit të Tiranës shprehen masivisht pro zhvillimit të mësimit në auditore dhe kundër bllokimit nga një grup i vogël të rinjsh të lidhura me forumet politike. Së fundmi, 85 % e studentëve të ekonomikut janë përgjigjur me pro mësimit në fakultetin e tyre, nga një pyetësor i zhvilluar brenda fakultetit.
Me sa duket, pasi kanë marrë përgjigje për shqetësimet që adresuan në protestën e dhjetorit, studentët janë tanimë të bindur që të vijojnë normalisht mësimin, ndërkohë që një grup i vogël përpiqet të mbajë të bllokuara hapësirat universitare./ lexo.al
Lajme të tjera
-
Protesta e studentëve për rikthimin në auditore, ISHP: Rrezikojnë infektim me COVID (VIDEO)
3 Nëntor 2020, 17:16
-
Covid/ Studentët protesta në Athinë, bomba molotov dhe përplasje në rrugë
1 Tetor 2020, 15:09 -
Rama: Shumë shpejt do të çelet gara për kampusin e ri Universitar te Qytet Studenti
1 Korrik 2020, 13:31 -
Protesta e maturantëve, pedagogia Skënderi: Testi s’duhej të ishte vetëm me alternativa! Plot me gabime drejtshkrimore e pjesë të përkthyera
13 Qershor 2020, 20:47
