Protesta në Divjakë, deputetja e PD-së: Ministrja kërkon ta kthejë në plazh privat! S’do ta lejojmë këtë arbitraritet

 

Deputetja e Partisë Demokratike Ilda Dhori, e cila ishte sot në mbështetje të banorëve të Divjakës të cilët po protestojnë kundër vendosjes së traut për të hyrë në park, u shpreh për Report Tv, se ministria po tenton ta kthejë plazhin në një plazh privat. Sipas Dhorit, ministrja e Turizmit po tenton që të zbukurojë këtë akt të shëmtuar. Dhori tha se banorët nuk do ta lejojnë këtë arbitraritet të tillë.

‘Jemi para faktit që kërkohet të gllabërohet një pasuri kombëtare. Me anë të këtij akti plazhi kthehet në një plazh privat. Bllokohet parku Kombëtar. Me çfarë të drejte e gjen arrogancën dhe arbitraritetin që të aneksoje pasurinë e parkut kombëtar. Në nuk do të lejojmë një arbitraritet të tillë. Dje Mirela nuk ishte prezentë në sallë. Por është një nivel shumë i ulët i përfaqësimit të Turizmit në vend. Kërkon që të zbukurojë këtë akt të shëmtuar. Është akti më arbitrar. Është një akt që nuk do të lejohet. T’i shkohet deri në fund.’- u shpreh Dhori.

LEXO EDHE:
TEC në tokë bujqësore? Këshilli bashkiak i Roskovecit miraton planin që i hap rrugë ndërtimit, banorët kundërshtojnë

Lajmi kryesor:

Tra me pagesë në Parkun e Divjakës, banorët përplasen me policinë, kërkojnë të heqin kabinën! Korreshi për Report Tv: Është e vetmja rrugë që të çon në plazh (VIDEO)

M.Q./r.k./Shqiptarja.com

TAG:
• Saimir Korreshi
• parku i Karavastasë
• proteste
• ministria e turizmit
• Fier
• Divjakë-Karavasta
• divjakë