Francë, protestat nuk ndalen, kërkojnë drejtësi për Nahelin! Policia hedh gaz lotsjellës në Marsejë për të shpërndarë turmën

Mijëra të rinj janë mbledhur në Nanterre në periferi të kryeqytetit francez, për t'i dhënë lamtumirën 17 vjeçarit Nahel, djaloshit me origjinë algjeriane i cili u vra të martën e 27 qershorit nga një polic pasi e kishte ndaluar me makinë. Ata thërrasin "Drejtësi për Nahelin!" 

Duket se Franca nuk po gjen qetësi. Presidenti Macron anuloi vizitën zyrtare në Gjermani ndërsa kryeministrja e Francës Elisabeth Borne nuk përjashtoi mundësinë e shpalljes së gjëndjes së jashtëzakonshme. Për shkak të frikës nga trazirat, u dërguar përforcime policore në disa qytete të Francës.  Ashtu si edhe një natë më parë rreth 45,000 policë do të vendosen në disa qytete të Francës.

Policia ka hedhur gaz lotsjellës pas përleshjeve që kanë ndodhur në Marsejë. Në fotot e shpërndara në rrjetet sociale, shihen protestuesit dhe efektivët të cilët përleshen me njëri-tjetrin në qendër të qytetit.

Gati 1300 persona u arrestuan si dhe 80 policë u plagosën gjatë natës së katërt të trazirave - mes së premtes dhe të shtunës, (1 korrik 2023) - të nxitura nga vrasja në makinë e një adoleshenti 17 vjeçar franko algjerian nga një efektiv policie, megjithëse në mëngjes ministri i Brendshëm i Francës pretendoi se situata ishte më e qetë se një natë më parë.

Situata në dy qytete të mëdha, Marsejë dhe Lion ishte kaotike, me ndërtesa dhe automjete të djegura dhe dyqane të grabitura.

Rreth orës 3 të mëngjesit, Ministri i Brendshëm Gerald Darmanin i tha kanalit kabllor të lajmeve BFMTV se 471 arrestime u bënë gjatë natës, krahasuar me 917 një natë më parë. Në Marsejë, oficerët arrestuan gati 90 persona ndërsa grupet e protestuesve dogjën makina.

Por më pas shifrat u përditësuan. Ministria e Brendshme raportoi për 994 të arrestuar në të gjithë Francën gjatë natës,  79 policë të plagosur dhe 2560 vatra zjarri nëpër rrugët publike. Mosha mesatare e të burgosurve është 17 vjeç, por mes tyre ka dhe fëmijë 13 vjeç, tha ministri i Brendshëm i Francës Gérald Darmanin duke përsëritur apelin drejtuar prindërve të mbajnë fëmijët brenda në shtëpi gjatë natës.

“Republika do të fitojë”, deklaroi më tej ministri i Brendshëm i Francës, gjatë vizitës në një komisariat policie në Mantes-la-Jolie, në perëndim të Parisit, ku gjatë natës u dogj dhe godina e Bashkisë. 

Në Paris u arrestuan gjatë natës 120 persona mes tyre dhe plaçkitësh dyqanesh. 

Zjarrfikësit në periferinë e Parisit të Nanterre, ku ndodhi vrasja e 17 vjeçarit, punuan të shuanin flakën që protestuesit u vendosnin makinave. Në periferinë fqinje Colombes, protestuesit përmbysën kazanët e plehrave dhe i përdorën për barrikada të improvizuara.

Plaçkitësit gjatë mbrëmjes hynë edhe në një dyqan armësh. Ndërtesat dhe bizneset u vandalizuan gjithashtu në qytetin lindor të Lionit, ku një e treta e rreth 30 arrestimeve të bëra ishin për vjedhje, tha policia. 

Britania i ka bërë thirrje qytetarëve të tyre të shmangin udhëtimet turistike në Francë. Ndërkohë sot pritet të mbahet dhe ceremonia mortore e adoleshentit të vrarë më 27 qershor,Nahel M. 

Përse ka trazira në Francë?
Më 27 qershor 2023 një 17-vjeçar me origjinë algjeriane dhe marokene, u qëllua nga një efektiv policie në lagjen Nanter, periferi e Parisit. Videoja e publikuar në rrjete sociale,  shkaktoi zemërim në lagjet periferike të Parisit ku racizmi është më i theksuar. Në video duken dy policë që kanë ndaluar makinën e 17-vjeçarit, Nahel,M. dhe dëgjohet një zë "do të qëlloj me plumb në kokë". Pas të shtënës, makina ecën disa metra dhe më pas përplaset.  Adoleshenti ndërroi jetë si pasojë e plagëve në gjoks. Një polic është arrestuar për vrasjen.

 

Rendit zhvillimet sipas orarit:

Të Fundit Të Parat

G.MO/M.Q./Shqiptarja.com

TAG:
• proteste
• france