Protesta për vrasjen e Rashës/ Braçe: Vrasja jo politike, protesta po! Salianji e Hajdari: S'mjafton dorëheqja e Sandër Lleshaj, duhet drejtësi!

Pas protestave të zgjatura pasditen e sotme që përfshinë Tiranën për vrasjen e Klodjan Rashës ka reaguar zëvendëskryeministri Erion Braçe. Përmes një postimi në Facebook ai shkruan se vdekja e të riut është e pajustifikueshme, për më tepër duhet dënuar maksimalisht.

Duke iu referuar dhe disa akuzave nga politikanë të ndryshëm se kjo ishte vrasje skenuar nga qeveria, Braçe shprehet se kjo nuk ka të bëjë fare me politikën. Ndërsa për protestën e sotme ai thotë se është një tentativë politike për të marrë me dhunë pushtetin duke akuzuar opozitën.

Postimi i Erion Braçes:

Nje krim penal, i hetueshem, i gjykueshem, i denueshem maksimalisht! LIGJERISHT! Eshte nje humbje e tmerrshme per familjen, prinderit se pari, te afermit, miqte e shoket e tij! Eshte e pashlyeshme per ta, ndaj cdo ngushellim as i afrohet dhimbjes se tyre! Cdo vrasje kerkon DREJTESI dhe DREJTESI do te kete; E qarte, e plote, e shpejte dhe pa mbrojtur e pa kursyer kerkend qe eshte fajtor! Une nuk i di rrethanat e vrasjes, nuk jam prokurori e nuk jam gjykatesi, ndaj besoja se politikanet duhet te kishin zene mend e te heshtnin, por qenka e pamundur; Klodian Rasha ishte qytetar i ketij vendi, me te drejta te plota duke nisur nga jeta, shenjteruar nga ne socialistet duke fshire nga ligjet e ketij vendi, marrjen e jetes qofte edhe si ndeshkim per faj; Jeta nuk merret per asnje arsye, keshtu e mendoj une! Por nje gje dua ta them tani; KJO VRASJE NUK ESHTE POLITIKE, AS ESHTE KERKUAR E AS ESHTE URDHERUAR NGA QEVERIA APO CILIDO POLITIKAN NE TE! Nuk ka qene politik vrasja e qytetareve te pafaj ne keto 8 vite, asnje sekonde, asnje ore, asnje dite; ky eshte nje rast i vetem, i izoluar, i pandodhur kurre me pare ne 8 vite, edhe kur policia eshte percelluar me molotove! NE NUK VRASIM! NE NA KANE VRARE! Ne nuk jemi as Sali Berisha, as Lulzim Basha qe vrane qellimisht, drejtperdrejt, 4 protestues te pafaj e te paarmatosur, fshehen provat, penguan prokuroret, refuzuan mandat arrestet per vrasesit e pergjegjesit, mbrojten e liruan vrasesit, ju dalin per zot qarte cdo minut vrasesve edhe sot;  nuk jemi as Ilir Meta qe i quajti te pushkatuarit kokepalare! JOOO! KURRE! Nderkohe, dhuna barbare sot ne mbremje ne Tirane, NUK ESHTE DREJTESI! Per Klodian Rashen asfare! Dhuna ndaj qytetit e jetes ne te ESHTE POLITIKE! ESHTE DHUNE PER PUSHTET! E KERKUAR, NXITUR, ORGANIZUAR, KOMANDUAR, USHTRUAR PER PUSHTET!

Thirrjeve që ministri i Brendshëm, Sandër Lleshaj të japë dorëheqjen i është bashkuar edhe deputetja e opozitës së re, Rudina Hajdari. Ajo thotë se do të ngre zërin e saj në Kuvend për këtë vrasje.

"Mijëra qytetarë u mblodhën sot para Ministrisë së Brendshme për të kërkuar përgjegjësi mbi vrasjen e Klodian Rashës nga një oficer policie.

Isha dhe do jem mes tyre dhe do ta ngre zërin në Parlament për këtë vrasje, derisa drejtësia të bëhet e plotë.

Ministri Lleshaj nuk mund të vazhdojë më detyrën dhe i bëj thirrje të japë dorëheqjen.

Ai na ka thënë se mbas çdo polici është fytyra e tij, e sot ajo fytyrë ka vrarë një njeri të pafajshëm, ndaj nuk mund ta vazhdojë më detyrën", shkruan Hajdari.

Lidhur me protestën për vrasjen e Klodjan Rashës ka reaguar ish-deputeti i PD-së, Ervin Salianji. Përmes një postimi në Facebook, ai shkruan se dorëheqja e ministrit Sandër Lleshaj nuk mjafton dhe se duhet vendosur drejtësi.

"Vetëm dorëheqja e ministrit nuk mjafton, duhet drejtêsi e plotë për vrasjen dhe për krimin e rëndë shtetêror të tentativës për manipulimin e ngjarjes! Qeveri antipopull që tentoi të fajësojë viktimën! Duhet drejtësi" - shkruan Salianji.